بۇرىنعى مادەنيەت ءمينيسترى ارىستانبەك مۇحامەديۇلىنا تيەسىلى سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى مەملەكەتكە قايتارىلدى، دەپ حابارلايدى اlmaty-akshamy.kz.
پروكۋراتۋرانىڭ مالىمەتىنشە، الماتى قالاسى جەتىسۋ اۋدانى پروكۋراتۋراسىنىڭ تالاپ-ارىزى بويىنشا قۇنى 1،2 ملرد تەڭگە بولاتىن مەملەكەتتىك مۇلىك قايتارىلدى.
«وسى جىلدىڭ 17 شىلدەسىندە الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبىن ساتۋ جونىندەگى مامىلەنى جارامسىز دەپ تانۋ تۋرالى شەشىمى زاڭدى كۇشىنە ەندى»،- دەلىنگەن قاداعالاۋ ورگانىنىڭ حابارلاماسىندا.
Cوتتا نىساننىڭ نارىقتىق قۇنىن 551 ملن تەڭگەگە تومەندەتۋ كورىنىس تاپقان زاڭ بۇزۋشىلىقتار راستالدى.
اكىمشىلىك عيماراتتاردىڭ، سپورت زالدارىنىڭ جانە باسقا دا قۇرىلىستاردىڭ 7،6 مىڭ م2، سونداي-اق 4،9 گا جەردى قۇرايتىن مەكتەپتىڭ مۇلكىنە، ا. مۇحامەديۇلىمەن اففيلييرلەنگەن تۇلعالارعا تيەسىلى «Nomad's Land» ج ش س يەلىك ەتكەن.