الماتىدا VIII سايلانعان ءماسليحاتتىڭ كەزەكتەن تىس ءححى سەسسياسى ءوتىپ، وندا دەپۋتاتتار «الماتى قالاسىنىڭ مەديسينالىق-سانيتارلىق العاشقى كومەكتىڭ ءبىرىڭعاي ستاندارتى» باعدارلاماسىن قابىلدادى. بۇل شارا الماتى قالاسىنىڭ دەنساۋلىق ساقتاۋ جۇيەسىن ءتيىمدى دامىتۋعا باعىتتالعان، دەپ حابارلايدى almaty-akshamy.kz
جوبانىڭ نەگىزگى باعىتتارى
الماتى قالاسىنىڭ دەنساۋلىق ساقتاۋ جۇيەسى ءۇشىن باستى باسىمدىق - ءتيىمدى مەديسينالىق-سانيتارلىق العاشقى كومەكتى (مساك) دامىتۋ. مەگاپوليستە 1،8 ملن ادامعا 40 مەملەكەتتىك ەمحانادا، ال 517 مىڭ ادامعا 36 جەكە ەمحانادا قىزمەت كورسەتىلەدى. بالالار مەن قارتتار سياقتى تۇتىنۋشىلار كوپ تۇراتىن جەردە مەديسينالىق قىزمەتكە جۇگىنۋشىلەر سانىنىڭ تۇراقتى تۇردە ءوسىپ وتىرعانى بايقالادى. بۇل دەنساۋلىق ساقتاۋ ينفراقۇرىلىمىنا، اسىرەسە شامادان تىس جۇكتەلگەن مساك ۇيىمدارىنا ۇلكەن اسەرىن تيگىزەدى.
«الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالاردى ىسكە اسىرۋ اياسىندا الماتى قالاسىنىڭ اكىمدىگى جول كارتاسىن بەكىتتى. بۇل كارتا «ينكليۋزيۆتى ورتا، ءبىلىم بەرۋ جانە مەديسينا» باعىتى بويىنشا امبۋلاتوريالىق-ەمحانالىق كومەكتى دامىتۋداعى كەشەندى ءتاسىلدى قامتاماسىز ەتۋ ءۇشىن ازىرلەنگەن»، - دەپ اتاپ ءوتتى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى يران شامەتەكوۆ.
ءبىرىڭعاي ستاندارت اياسىندا كوزدەلگەن شارالار
- جوبالىق-تەحنولوگيالىق شەشىمدەرگە، مەديسينالىق قىزمەت كورسەتۋ رەگلامەنتتەرىنە، مەنەدجمەنت پەن سيفرلاندىرۋعا كوزقاراستاردى بىرىزدەندىرۋ جانە ستاندارتتاۋ.
- قالانىڭ پوليسەنتريستىك دامۋ قاعيداتتارىنا، حالىق ءۇشىن «قادامدىق» قولجەتىمدىلىك قاعيداتتارىنا سايكەس ەمحانالار سالۋ.
جوسپارلانعان ينفراقۇرىلىمدىق جوبالار
- 2024 جىلى مەملەكەتتىك مەنشىكتەگى 13 مساك مەديسينالىق نىساندارىنىڭ قۇرىلىسى مەن كۇردەلى جوندەۋىن اياقتاۋ.
- 2027 جىلى مەملەكەتتىك مەنشىكتەگى مساك-تىڭ 49 مەديسينالىق نىساندارىن جوبالاۋ، سالۋ جانە كۇردەلى جوندەۋدى اياقتاۋ.
- جەكە مەنشىك نىسانىنداعى 36 ەمحانانى كۇردەلى جوندەۋ.
مساك ۇيىمدارىنىڭ ءۇش دەڭگەيلى قۇرىلىمى
- اۋىسىمىنا 200 ادام قابىلدايتىن مەديسينالىق-سانيتارلىق العاشقى كومەك ورتالىعى (بەكىتىلگەن حالىق سانى 5 000-نان 30 000 ادامعا دەيىنگى اۋماقتىق قىزمەت كورسەتۋ ايماعى شەگىندە). جالپى اۋدانى 4000-نان 5800 م²-گە دەيىن.
- ءبىر اۋىسىمدا 300 ادام قابىلدايتىن قالالىق ەمحانا (بەكىتىلگەن حالىق سانى 30 مىڭنان استام). جالپى اۋدانى 6800-دەن 8500 م²-گە دەيىن.
- بەكىتىلگەن حالىق سانى 50 مىڭنان اساتىن اۋىسىمدا 500 ادام قابىلدايتىن كلينيكالىق-دياگنوستيكالىق ورتالىقتارى بار قالالىق ەمحانا. جالپى اۋدانى 7000-نان 10000 م²-گە دەيىن.
- دارىگەرلىك قىزمەتكەرلەرگە جۇكتەمەنى ازايتۋ جانە دارىگەردى كۇندەلىكتى جۇمىستان بوساتۋ ماقساتىندا بەلگىلى وكىلەتتىكتەردى جوعارى ءبىلىمى بار مەيىربيكەگە بەرۋ.
- كوشپەلى بريگادا ارقىلى مساك-تىڭ ۇيدە قىزمەت كورسەتۋ فۋنكسياسىن وڭتايلاندىرۋ.
- مەديسينالىق قىزمەتتەردىڭ ساپاسىن باقىلاۋ (سىرتقى جانە ىشكى).
بۇل ستاندارت پاسيەنتتەرگە كۇتىم جاساۋ دەڭگەيىن ارتتىرىپ، ەمدەۋ ناتيجەسىن جاقسارتادى جانە مەديسينالىق ۇيىمداردىڭ دامۋىنا ىقپال ەتەدى.