استانادا ارىستانبەك مۇحامەدي ۇلىنىڭ ءىسى بويىنشا سوت باستالدى.
ۇلتتىق مۋزەيدىڭ بۇرىنعى ديرەكتورى ارىستانبەك مۇحامەدي ۇلى تەرگەۋ يزولياتورىندا قالادى.
سۋديا ارىستانبەك مۇحامەدي ۇلى اۋىر قىلمىس جاسادى دەپ ايىپتالىپ وتىرعانىن، تەرگەۋ سۋدياسىنىڭ شەشىمىنەن سوتتالۋشىنىڭ بوستاندىقتا بولۋى ءىستى وبەكتيۆتى قاراۋعا كەدەرگى جاساۋى مۇمكىن ەكەنىن اتاپ ءوتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
سوتتىڭ پىكىرىنشە، مۇحامەدي ۇلىنىڭ سىرقاتى بۇلتارتپاۋ شاراسىن وزگەرتۋگە نەگىز بولا المايدى. سوتتالۋشى مەديسينالىق كومەكتى تەرگەۋ يزولياتورىندا دا الا الادى.
«سوت ادۆوكات تولەيەۆتىڭ مۇحامەدي ۇلىنىڭ بۇلتارتپاۋ شاراسىن ءۇيقاماققا اۋىستىرۋ تۋرالى ءوتىنىشىن قاناعاتتاندىرۋدان باس تارتۋ تۋرالى شەشىم قابىلدادى»، - دەدى سۋديا باعلان ىدىرىسوۆ.
ارىستانبەك مۇحامەديۇلىنا جاقىندا ەكىنشى رەت وتا جاسالعانى ايتىلعان ەدى.
وتكەن جىلدىڭ 29 مامىرىندا ۇلتتىق مۋزەي ديرەكتورى ارىستانبەك مۇحامەدي ۇلى قاماۋعا الىنعانى بەلگىلى بولدى. وعان حالىقارالىق كورمەلەرگە بولىنگەن 140 ميلليون تەڭگەدەن استام قارجىنى جىمقىردى دەگەن ايىپ تاعىلدى.