ءبىزدىڭ ەلىمىزدە ۆاكسينا الۋ اركىمنىڭ ءوز ەركىندە.
قازاق ينجەنەرلىك-تەحنولوگيالىق ۋنيۆەرسيتەتىنىڭ ستۋدەنتى ارۋجان اۋپيكوۆا بۇكىل الەمدە بولىپ جاتقان ەپيدەميولوگيالىق احۋال ءبىزدى قالىپتى ومىرىمىزدەن اجىراتتى، ال ۆاكسينا الۋ ارقىلى ءبىز ۆيرۋستىڭ تارالۋىن توقتاتا الامىز جانە ونىمەن كۇرەسەمىز دەگەن پىكىرىمەن ءبولىستى، دەپ حابارلايدى Almaty-akshamy.kz.
ول ەگەر ادام ءوزى قالاسا، دەنساۋلىعىندا كىناراتى بولماسا، ەكپە العان ءجون دەپ سانايتىنىن جەتكىزدى.
«ۆاكسينا الساق، ءبىزدىڭ اعزامىزدا ۆيرۋسقا قارسى يممۋنيتەت پايدا بولادى. قازىرگى تاڭدا ادامداردىڭ كوزقاراسى ۆاكسيناسيا تۋرالى ەكى ويلى. بىرەۋلەرى جاقتاسا، بىرەۋلەرى داتتاپ جاتادى. ال ءبىراق، ءبىزدىڭ ەلىمىزدە ۆاكسينا الۋ اركىمنىڭ ءوز ەركىندە»، - دەيدى ستۋدەنت.
ستۋدەنتتىڭ ويىنشا، ەكپە الۋ ارقىلى ءبىز ۆيرۋستىڭ تارالۋىن توقتاتا الامىز جانە ونىمەن كۇرەسەمىز.
«ۆاكسينا سالساق ءبىزدىڭ اعزامىزدا ۆيرۋسقا قارسى يممۋنيتەت پايدا بولادى. سول ارقىلى، ۆيرۋسپەن اۋىرعان جاعدايدا دا وڭاي جەڭىپ شىعا الامىز»، - دەدى الماتىلىق ستۋدەنت.
«جانە دە ۆاكسينا الۋدىڭ تاعى ءبىر جاعىمدى جاعى – قالىپتى ومىرىمىزگە تەز ورالۋعا كومەكتەسەدى. ارينە، قالىپتى ومىرگە ورالۋىمىزعا بىردەن-بىر سەبەپكەر ول – ءبىز. سوندىقتان، قۇرمەتتى ستۋدەنتتەر، سىزدەرگە ايتارىم ءارقايسىلارىڭىز وزدەرىڭىز ءۇشىن، جاقىندارىڭىز ءۇشىن ۆاكسينا العاندارىڭىز ءجون»، - دەدى ول.