ۇيىرمە ۇيىمداستىرۋشىلارىنا قاتاڭ سانيتارلىق تالاپتار قويىلماق.
Artsport باعدارلاماسى بويىنشا قىزمەت كورسەتۋشىلەرگە قويىلاتىن تالاپ كۇشەيتىلدى. جاڭا تالاپ بويىنشا، ءار بالاعا ءبىر ۆاۋچەردەن عانا بەرىلەدى، ال بۇرىن ەكەۋىن بىردەن الۋعا بولاتىن ەدى، دەپ حابارلايدى Almaty-akshamy.kz inbusiness.kz cىلتەمە جاساپ.
سونداي-اق كەيبىر بولىمدەردە جاس شەگى تومەندەتىلدى، مىسالى، ەركىن كۇرەسكە بۇدان بىلاي تەك 10 جاستان باستاپ جازىلۋعا بولادى. سونىمەن قاتار ۇيىرمە ۇيىمداستىرۋشىلارىنا قاتاڭ سانيتارلىق تالاپتار قويىلماق. ايتا كەتەيىك، ArtSport باعدارلاماسى اياسىندا بيۋدجەت قارجىسىنىڭ 1 ملرد تەڭگەدەن استامى تالان-تاراجعا تۇسكەنى بەلگىلى بولدى. بۇل تۋرالى باس پروكۋراتۋرا حابارلادى. شەنەۋنىكتەر التى مىڭعا جۋىق بالانى ۇيىرمەلەر مەن سەكسيالارعا تىركەگەن، ءبىراق ولار ءىس جۇزىندە ەشتەڭەگە قاتىسپاعان بولىپ شىقتى.
"الماتى، باتىس قازاقستان، شىعىس قازاقستان، ماڭعىستاۋ وبلىستارىنداعى ۇيىرمەلەردە وقۋشىلاردى سپورتقا قاتىسى جوق ادامدار دايىنداعانى بەلگىلى بولدى. ءتىپتى، بۇرىن جەزوكشەلىككە جانە جىنىستىق قول سۇقپاۋعا قارسى قىلمىس جاساعانى ءۇشىن سوتتالعاندار دا بار"، - دەدى باس پروكۋراتۋرا وكىلدەرى.