55،8 ملرد دوللارعا دەيىن ۇلعايدى.
1 جەلتوقسانداعى جاعداي بويىنشا، قازاقستاننىڭ حالىقارالىق رەزەرۆتەرى 89،7 ملرد دوللارعا جەتتى. بۇل تۋرالى ۇلتتىق بانكتىڭ باسقارما ءتوراعاسى عالىمجان ءپىرماتوۆ ۇكىمەتتىڭ كەڭەيتىلگەن وتىرىسىندا ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وسى جىلدىڭ 1 جەلتوقسانىندا جالپى حالىقارالىق رەزەرۆتەر 89،7 ملرد دوللار بولدى. 2022 جىلى التىن باعاسىنىڭ تومەندەۋىنە، مەملەكەتتىك قارىزدىڭ تولەنۋىنە، سونداي-اق، ءبىرىنشى توقساندا ۆاليۋتالىق ينتەرۆەنسيالاردىڭ جۇرگىزىلۋىنە بايلانىستى التىن-ۆاليۋتا رەزەرۆتەرى 467 ملن دوللارعا تومەندەدى»، - دەدى عالىمجان ءپىرماتوۆ.
سونداي-اق، ول مۇناي باعاسىنىڭ جوعارى بولۋى ۇلتتىق قوردىڭ اقشاسىن تولتىرعانىن اتاپ ءوتتى.
«مۇناي باعاسى قالپىنا كەلىپ، 6 ترلن تەڭگە كولەمىندە جوعارى ءتۇسىم كەلدى. ونىڭ ىشىندە شەتەل ۆاليۋتاسىنداعى تۇسىمدەر 9،8 ملرد دوللار بولىپ، ۇلتتىق قوردىڭ اكتيۆتەرى 55،8 ملرد دوللارعا دەيىن ۇلعايدى. قارجى نارىعىنداعى قۇلدىراۋعا قاراماستان، ۇلتتىق قوردىڭ قۇرىلعاننان بەرگى كىرىستىلىگى جىلدىق ماندە 3،08% بولدى»، - دەدى ۇلتتىق بانك باسشىسى.