كوبەلەكتەر كورمەسى
اق كوبەلەك، كوگىلدىر كوبەلەك، ەمەن كوبەلەگى، بارقىت كوبەلەك، بۇيرا كوبەلەك، ءمۇر كوبەلەك، قان كوبەلەك، ءتۇن كوبەلەكتەرى، نيمفاليدالار سياقتى قازاقستاندا، سونداي-اق الەمدە كەزدەسەتىن كوپتەگەن كوبەلەك تۇرلەرى Art Galaxy Alma-Ata كورمەسىنىڭ اجارىن اشتى، دەپ حابارلايدى Almaty-akshamy.kz
ادامزاتقا بور داۋىرىنەن بەلگىلى بولعان قابىرشاق قاناتتىلاردىڭ بۇگىندە جەر شارىندا ءجۇز مىڭنان استام ءتۇرى كەزدەسەدى. ال قازاقستاندى مەكەندەيتىن تروپيكالىق ءجاندىكتەردىڭ 3 مىڭنان استام سيرەك ءتۇرى «قىزىل كىتاپقا» ەنگەن.
جاندىكتەردىڭ راريتەتتى ءتۇرلەرى كوزدىڭ جاۋىن الىپ قانا قويماي، اسەمدىك الەمىنە ەرەكشە قامقورلىقپەن، جاناشىرلىقپەن قاراۋدى قالايدى. بۇل كورمەدە 20 سانتيمەترگە جەتەتىن ەڭ ءىرى قوڭىز، سونىمەن قاتار الەمدەگى ءتورت كوللەكسيونەردىڭ عانا جيناعىندا كەزدەسەتىن ەنتومولوگيالىق ءۇلگىلەر بار.
بەلگىلى پروفەسسور، ەنتومولوگ، ناتۋراليست پاۆەل ماريكوۆسكيي̆دەن ءتالىم العان ەنتومولوگ كارينا ءسارسەنوۆا ءوز توپتاماسىن جابايى الەمدەگى اسەم جاندىكتەرمەن جيىرما جىل بويى تولىقتىرىپ كەلگەن. كورمە ارنايى شاقىرىلعان عالىم، ەنتومولوگ ماسكەۋ مەملەكەتتىك ۋنيۆەرسيتەتىنىڭ پروفەسسورى الەكساندر پەتروۆتىڭ جەتەكشىلىگىمەن ءوتتى.
بۇل قورداعى ۇلگىلەر الەمنىڭ 30-دان استام ەلىنەن جينالعان. زەرگەرلىك شەبەرلىكپەن توپتاستىرىلعان قاناتتى ەكسپوناتتار ىشىندە قازاقستانداعى تروپيكالىق جاندىكتەردىڭ ەنتومولوگيالىق توپتاماسى ەرەكشە كوز تارتادى.