قازىرگى ۋاقىتتا قازاقستاندا شەتەلدىك جۇمىس كۇشىن پايدالاناتىن 1 883 جۇمىس بەرۋشى بار.
ق ر ەڭبەك جانە حالىقتى الەۋمەتتىك قورعاۋ مينيسترلىگى باسپا ءسوز قىزمەتىنىڭ 2021 جىلعى 1 قازانداعى مالىمەتىنشە، 16 190 شەتەلدىك ازامات جەرگىلىكتى اتقارۋشى ورگانداردىڭ رۇقساتى بويىنشا قازاقستان رەسپۋبليكاسىنىڭ اۋماعىندا قىزمەت ەتىپ ءجۇر، دەپ حابارلايدى Almaty-akshamy.kz
قازىرگى ۋاقىتتا قازاقستاندا شجك پايدالاناتىن 1 883 جۇمىس بەرۋشى بار. ولاردا شامامەن 479 مىڭنان استام قازاقستان ازاماتتارى جۇمىس ىستەيدى، بۇل جالپى جۇمىسشىلار سانىنىڭ 96%-ىن قۇرايدى.
ەڭبەك ميگرانتتارى شىعاتىن نەگىزگى ەلدەر: جۇڭگو – 3 807 ادام، وزبەكستان – 1 938 ادام، تۇركيا – 1 759 ادام، ءۇندىستان – 1 075 ادام، ۇلىبريتانيا – 962 ادام.
ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 جىلى كۆوتا مولشەرى جۇمىس كۇشىنە شاققاندا 0،31%-دى نەمەسە 29،3 مىڭ بىرلىكتى قۇرادى.