ولجاس بەكتەنوۆ پەن inDrive قىزمەتىنىڭ نەگىزىن قالاۋشى ارسەن تومسكيي سيفرلى يندۋستريانى دامىتۋ ماسەلەلەرىن تالقىلادى، دەپ حابارلايدى aqshamnews.kz
قازاقستان پرەمەر-مينيسترى ولجاس بەكتەنوۆ inDrive جاھاندىق كولىك جانە قالا قىزمەتتەرى پلاتفورماسىنىڭ نەگىزىن قالاۋشى جانە سەو ارسەن تومسكييمەن كەزدەستى. سيفرلى يندۋستريانىڭ وزەكتى ماسەلەلەرى تالقىلانىپ، قازاقستاندىقتاردىڭ تۇرمىس ساپاسىن جاقسارتۋ ماقساتىندا جاڭا شەشىمدەر ەنگىزۋ پەرسپەكتيۆالارى قارالدى.
قازاقستاندا سيفرلى ەكوجۇيە قۇرىلعان، ورتالىق ازياداعى IT ستارتاپتاردىڭ ءىرى حالىقارالىق تەحنوپاركى جۇمىس ىستەيدى، كرەاتيۆتى شەشىمدەرگە بەلسەندى تۇردە قولداۋ كورسەتىلۋدە. ۇلتتىق جاساندى ينتەللەكت ورتالىعىن قۇرۋ جۇمىستارى جۇرگىزىلىپ جاتىر.
«مەملەكەت باسشىسى جولداۋدا سيفرلاندىرۋ سالاسىنداعى جۇمىستى جانداندىرۋدى تاپسىردى. بۇل – باسىم مىندەت. قازاقستان ەكونوميكا قۇرىلىمىنداعى سيفرلى تەحنولوگيالار ۇلەسىن ۇلعايتۋدى جانە IT قىزمەتتەر ەكسپورتىن ودان ءارى ارتتىرۋدى ماقسات ەتىپ وتىر. ءبىز ىشكى نارىقتا ءىرى IT كومپانيالاردىڭ بولۋىن قۇپتايمىز»، — دەپ اتاپ ءوتتى ولجاس بەكتەنوۆ.
ءوز كەزەگىندە ارسەن تومسكيي بىرلەسكەن سيفرلى پلاتفورمالاردى ەنگىزۋگە جانە ينتەللەكتۋالدى يندۋستريانى دامىتۋداعى ىنتىماقتاستىققا قىزىعۋشىلىق تانىتتى. اتاپ ايتقاندا، inDrive قازاقستاندا IT، ءبىلىم بەرۋ، عىلىم، ونەر جانە باسقا دا باعىتتار بويىنشا بىلىكتى مامانداردى دايارلايتىن 400 ادام ءبىلىم الاتىن inVision U ۋنيۆەرسيتەتىن اشۋ تۋرالى ۇسىنىس جاسادى.
سونىمەن قاتار كومپانيا ءىرى مەگاپوليستەردە اۋا ساپاسىن جاقسارتۋ بويىنشا ءبىرقاتار ەكولوگيالىق باستامانى ىسكە اسىرۋدى جوسپارلاپ وتىر. ءبىرىنشى جوبا الماتىدا جۇزەگە اسىرىلادى. ۇكىمەت باسشىسى ءتيىستى مەملەكەتتىك ورگاندارعا قوعامدىق جوباعا كومەك كورسەتۋدى تاپسىردى.
كەزدەسۋ قورىتىندىسى بويىنشا ەڭبەك پروسەستەرىنىڭ زاڭدىلىعى مەن اشىقتىعىن، سونداي-اق جول قاۋىپسىزدىگىن قامتاماسىز ەتۋدىڭ ماڭىزى اتاپ ءوتىلدى. سونداي-اق inDrive قازاقستاننىڭ پلاتفورمالىق جۇمىسپەن قامتۋ جونىندەگى باستاماسىن قولدايدى.
انىقتاما:
inDrive الەمنىڭ 46 ەلىنىڭ 750 قالاسىندا قىزمەت كورسەتەدى. كومپانيا 2021 جىلى قۇنى ميلليارد دوللاردان اسقان كومپانيالار تىزىمىنە ەنىپ، بىرەگەي مارتەبەگە قول جەتكىزدى. 2022 جىلى كومپانيانىڭ كەڭسەسى الماتىعا كوشىرىلدى. قازىرگى ۋاقىتتا قازاقستانداعى inDrive كەڭسەسىندە 800-گە جۋىق ادام جۇمىس ىستەيدى.