الماتىدا قازاقستان حالقىنىڭ تىلدەر كۇنىنە جانە قازاق ءتىل ءبىلىمى مەن ادەبيەتتانۋىنىڭ نەگىزىن سالۋشى احمەت بايتۇرسىن ۇلىنىڭ تۋعان كۇنىنە ارنالعان مەرەكەلىك ءىس-شارالار وتۋدە، دەپ حابارلايدى aqshamnews.kz.
2018 جىلدان بەرى بۇل كۇن قازاقستان حالقىنىڭ مادەني مۇراسىنا دەگەن قۇرمەتتىڭ سيمۆولى رەتىندە اتالىپ وتۋدە.
مەرەكە احمەت بايتۇرسىن ۇلىنىڭ ەسكەرتكىشىنە گۇل شوقتارىن قويۋ راسىمىنەن باستالدى. ءىس-شاراعا قوعام وكىلدەرى، مادەنيەت قايراتكەرلەرى، سونداي-اق مەكتەپ وقۋشىلارى مەن ستۋدەنتتەر قاتىستى.
«بۇگىنگى شارا بىزگە تامىرلارىمىزدىڭ جانە مادەني مۇرامىزدىڭ ماڭىزدىلىعىن ەسكە سالادى. احمەت بايتۇرسىن ۇلى قازاق ءتىلىن ساقتاپ، دامىتۋ جولىندا كوپ ەڭبەك سىڭىرگەن كورنەكتى عالىم جانە پاتريوت ەدى. ءبىزدىڭ ماقساتىمىز – ونىڭ مۇراسىن تەك ەستە ساقتاۋ عانا ەمەس، سونىمەن بىرگە بۇل ءبىلىمدى جاستارعا بەلسەندى تۇردە جەتكىزۋ. بۇل – ءوز مادەنيەتى مەن تاريحىن قۇرمەتتەيتىن بارشامىزعا ارنالعان مەرەكە»، – دەدى قازاقستان ۇلتتىق جاراتىلىستانۋ عىلىمدارى اكادەمياسىنىڭ ۆيسە-پرەزيدەنتى كارىمبەك قۇرمانالييەۆ.
راسىمنەن كەيىن قاتىسۋشىلار احمەت بايتۇرسىن ۇلىنىڭ 1930-جىلدارى تۇرعان ۇي-مۋزەيىنە باردى. ءىس-شارا بارىسىندا اتاقتى قايراتكەرگە ارنالعان جاڭا كىتاپتىڭ رەسمي تۇساۋكەسەرى دە ءوتتى. بۇل باسىلىم ونىڭ مۇراسىن ساقتاۋ مەن ناسيحاتتاۋعا قوسىلعان تاعى ءبىر ۇلەس بولدى.
«احمەت. الاشتىڭ ارداقتىسى» اتتى كىتاپ ۇلتتىق مادەنيەتتىڭ كورنەكتى قايراتكەرلەرى تۋرالى سەريانى جالعاستىرادى. وندا العاش رەت احمەت بايتۇرسىن ۇلىنىڭ كوپتەگەن شىعارمالارىنىڭ ورىس تىلىنە اۋدارمالارى ۇسىنىلعان. ءبىز ۇلى اقىننىڭ مۇراسىمەن ماقتانامىز جانە ونىڭ ءبىلىمىن، يدەيالارىن بولاشاق ۇرپاققا جەتكىزۋگە تىرىسامىز»، - دەدى «الماتىكىتاپ باسپاسى» باسپاسىنىڭ پرەزيدەنتى گاۋحار سايماسوۆا.