ايىپپۇل 1،3 ملرد تەڭگە كولەمىندە.
قاراعاندى وبلىسى مەملەكەتتىك كىرىستەر دەپارتامەنتى «ارسەلورميتتال تەمىرتاۋ» اق-نى اكىمشىلىك جاۋاپكەرشىلىككە تارتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
قاراعاندى وبلىسى بويىنشا مەملەكەتتىك كىرىستەر دەپارتامەنتى «ارسەلورميتتال تەمىرتاۋ» اق-نىڭ اۆانس تولەمدەرىنىڭ سوماسىن تومەندەتىپ كورسەتۋ فاكتىسىن انىقتادى. 2017 جىلعى مونيتورينگ بارىسىندا كورپوراتيۆتىك تابىس سالىعى بويىنشا اۆانس تولەمدەرى سوماسىنىڭ ناقتى ەسەپتەلگەن سالىقتان تومەن باعالانۋى انىقتالدى.
«وسىعان بايلانىستى ق ر اقبتك-نىڭ 278-بابىنىڭ 3-تارماعى بويىنشا 1،3 ملرد تەڭگە سوماسىندا اكىمشىلىك ايىپپۇل سوماسىندا اكىمشىلىك ماتەريال تولتىرىلدى. ماتەريالدار اكىمشىلىك سوتقا جولداندى»، - دەلىنگەن حابارلامادا.
21 جەلتوقساندا قاراعاندى وبلىستىق سوتى «ارسەلورميتتال تەمىرتاۋ» اق-نىڭ شاعىمىن قارادى. الايدا اكىمشىلىك ايىپپۇل وزگەرىسسىز قالدىرىلدى.
3 قاراشادا قاراعاندى وبلىسىنداعى لەنين گاز درەناجدىق ۇڭعىمالاردى بۇرعىلاۋ كەزىندە كەنەتتەن گاز شىعىپ، كەيىن توننەلدە ءورت بولعان. وقيعا كەزىندە كاسىپورىننىڭ 106 قىزمەتكەرى جەر استىندا بولسا، ونىڭ 101ء-ى ءقاۋىپسىز جەرگە كوشىرىلدى.
قۋاتتى جارىلىس سالدارىنان بەس مەتاللۋرگ قازا تاۋىپ، تاعى تورتەۋى شۇعىل اۋرۋحاناعا جاتقىزىلدى. اتالعان فاكتى بويىنشا ق ر قىلمىستىق كودەكسىنىڭ 277-بابىنىڭ 3-بولىگى («تاۋ-كەن نەمەسە قۇرىلىس جۇمىسى كەزىندە قاۋىپسىزدىك ەرەجەسىن بۇزۋ») بويىنشا تەرگەۋ امالدارى باستالدى.
قاراعاندى وبلىسىنىڭ دەنساۋلىق ساقتاۋ باسقارماسى شاحتاداعى اپاتتان زارداپ شەككەندەردىڭ الدىن الا دياگنوزى مەتان گازدان ۋلانعانىن حابارلادى.
10 قاراشادا ق ر پرەمەر-مينيسترى ءاليحان سمايىلوۆ سەناتتىڭ جالپى وتىرىسىندا «ارسەلورميتتال تەمىرتاۋ» كومپانياسىنا قاتىستى قولدانىلىپ جاتقان شارالار تۋرالى ايتتى.