بۇل تۋرالى ونەركاسىپ جانە قۇرىلىس ءمينيسترى قانات شارلاپايەۆ ايتتى.
كومپانيانىڭ جاڭا اتاۋى قانداي بولارى بەلگىسىز، دەپ حابارلايدى Almaty-akshamy.kz
قانات شارلاپايەۆ كومپانيانىڭ اتاۋى وزگەرۋى مۇمكىن ەكەنىن جەتكىزدى.
«ارسەلورميتتال تەمىرتاۋ» كومپانياسىنىڭ قازىرگى باسشىسى اۋىسسا، ودان ءارى كومپانيا اتاۋىن پايدالانا المايمىز. سوندىقتان كومپانيانىڭ اتاۋى وزگەرەدى. ونىڭ جاڭا اتاۋى قانداي بولاتىنىن جۇمىس ىستەيتىن قىزمەتكەرلەرمەن اقىلداسۋ ارقىلى شەشكەن ءجون دەپ ويلايمىز»، - دەدى مينيستر.
ءمينيستردىڭ دەرەگىنشە، بىلتىر «ارسەلورميتتال تەمىرتاۋ» 3 ملن دوللار پايدا تاپقان.
كومپانيا جۇمىسىن جالعاستىرا بەرەدى. ول ءوزىن قامتاماسىز ەتە الادى، - دەدى شارلاپايەۆ.
ۇكىمەتتە وتكەن باسپا ءسوز ءماسليحاتىندا جۋرناليستەردىڭ ءبىرى «بۇرىنعى پرەمەر-مينيستر سەرىك احمەتوۆ ينۆەستور بولادى دەگەن اقپارات قانشالىقتى راس؟» دەپ سۇرادى.
ءقازىر ناقتى ينۆەستور تۋرالى پىكىر بىلدىرە المايمىن. اكتيۆكە شەتەلدىك ينۆەستور تارتۋدى جوسپارلاپ وتىرعان جوقپىز. سونى ايتا الامىن، - دەدى مينيستر.