الماتى قالاسىندا 31 قازان كۇنى ساعات 11:30-دان باستاپ جاۋعان جاڭبىر كەشكە دەيىن جالعاسادى دەپ بولجانىپ وتىر.
ارىق ارقىلى سۋدىڭ كەدەرگىسىز اعىپ كەتۋىن قامتاماسىز ەتۋ ءۇشىن 39 پاترۋلدىك بريگادا جۇمىلدىرىلدى. سۋ تاسقىنىنىڭ الدىن الۋ جانە جويۋ ءۇشىن بارلىعى 199 بىرلىك ارنايى تەحنيكا، 22 موتوپومپا جانە 761 جۇمىسشى كەزەكشىلىككە شىقتى. 1850 قاپ قۇم جينالدى.
توتەنشە جاعدايلار جونىندەگى جەدەل كەزەكشىنىڭ اقپاراتىنشا، سۋ تاسقىنى تىركەلگەن جوق.
اۋدان اكىمدىكتەرىندە جاعدايدى باقىلاۋ ءۇشىن كەزەكشىلىك ۇيىمداستىرىلدى. الماتى قالاسىنداعى «قازگيدرومەت» رمك بولجامىنشا، 31 قازان كۇنى كەشكە دەيىن كەي جەردە ورتاشا جاۋىن-شاشىن مولشەرى 12 مم، اۋا تەمپەراتۋراسى بۇگىن كۇندىز +14 گرادۋس، تۇندە +6-عا دەيىن تومەندەيدى. ەرتەڭ +12 گرادۋس.
كوممۋنالدىق ينفراقۇرىلىمدى دامىتۋ باسقارماسى