الماتى قالاسىنىڭ وليمپيادالىق كومانداسى 20 جىلدان اسا رەسپۋبليكالىق وليمپيادالاردىڭ قورىتىندىسى بويىنشا «ق ر ۇزدىك وليمپيادالىق كومانداسى» اتانىپ كەلەدى.
بۇل - الماتى قالاسىنىڭ باستى جەتىستىگى مەن ماقتانىشى. قالا مەكتەپتەرىنىڭ 6 وقۋشىسى ەلورداعا بارىپ قايتتى، وندا ولارعا وقۋ-اعارتۋ ءمينيسترى قۇرمەت كورسەتتى. وكق بريفينگىندە بالالار وزدەرىنىڭ زياتكەرلىك جەڭىستەرىن، ال ولاردىڭ تالىمگەرلەرى مەدال يەگەرلەرىن قالاي تاربيەلەۋ كەرەكتىگى تۋرالى ايتىپ بەردى، دەپ حابارلايدى Almaty-akshamy.kz.
حالىقارالىق زياتكەرلىك وليمپيادالاردىڭ جەڭىمپازدارى الماتى قالاسىنىڭ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىنا شاقىرىلدى.
«الماتى دارىنى» دارىندى بالالار مەن تالانتتى جاستاردى انىقتاۋ جانە قولداۋ ورتالىعىنىڭ ديرەكتورى گۇلنۇر كارىمعاجى قازاقستان قۇراما كوماندالارى ەڭ بەدەلدى 7 حالىقارالىق وليمپياداعا قاتىسىپ، (IMO، IPhO، IBO، IOL، ءىسھو، IGeO، IOI)، ولاردىڭ قورىتىندىسى بويىنشا 23 مەدالدى جەڭىپ العانىن، ونىڭ ىشىندە 2ء-ۋى التىن، 11ء-ى كۇمىس، 10-ى قولا جۇلدە ەكەنىن ايتتى.
ولاردىڭ قاتارىندا:
1. بيسيمبي دوسجان – فيزيكادان حالىقارالىق وليمپيادانىڭ (IPhO) كۇمىس مەدال جۇلدەگەرى، جەتەكشىسى - تيلەۋبايەۆ مەيرامبەك سليامحانوۆيچ؛
2. امانگەلدى يسلام – بيولوگيادان حالىقارالىق وليمپيادانىڭ (ءىۆو) قولا مەدال جۇلدەگەرى، جەتەكشىسى - ابدەشيەۆ قۋاندىق سەرىكقالي ۇلى؛
3. ەرنازاروۆ باقداۋلەت – بيولوگيادان حالىقارالىق وليمپيادانىڭ (ءىۆو) كۇمىس مەدال جۇلدەگەرى، جەتەكشىسى - ماجيتوۆ بەكزات مۋحامەد ۇلى؛
4. سەرازيتدينوۆ نازار – ينفورماتيكادان حالىقارالىق وليمپيادانىڭ (IOI) قولا مەدال جۇلدەگەرى، جەتەكشىسى - ساتىلحانوۆ تەمىرلان قايرات ۇلى؛
5. ساكەنوۆ باتىرحان – ماتەماتيكادان حالىقارالىق وليمپيادانىڭ (Iمو) قولا مەدال جۇلدەگەرى، جەتەكشىسى - كۋنگوجين مەدەۋبەك امانكەلدييەۆيچ؛
6. يۋركەيەۆيچ ميرون – ماتەماتيكادان حالىقارالىق وليمپيادانىڭ (Iمو) قولا مەدال جۇلدەگەرى، جەتەكشىسى - كۋنگوجين نۋربەك مانبەت ۇلى.
باسپا ءسوز كونفەرەنسياسىنا قاتىسۋشى №165 مامانداندىرىلعان ليسەيدىڭ فيزيكا ءپانىنىڭ ءمۇعالىمى، فيزيكا ءپانى بويىنشا حالىقارالىق وليمپيادانىڭ كۇمىس جۇلدەگەرىنىڭ جەتەكشىسى ۆاسيليي سوكولوۆ وليمپيادالارعا قاتىسۋ ءۇشىن بالالاردى ىرىكتەۋ 7-سىنىپتان باستاپ جۇرگىزىلەتىنىن ايتتى، ءبىراق بۇل باستاپقىدا ىرىكتەۋدەن وتپەگەن بالا رەزەرۆكە وتە المايدى دەگەندى بىلدىرمەيدى.
«بالالاردىڭ موتيۆاسياسى ءار ءتۇرلى، كەيبىرەۋلەرى ءوز قاتارلاستارىنا وزدەرىنىڭ ەڭ جاقسى ەكەندىكتەرىن دالەلدەگىسى كەلسە، ەندى بىرەۋلەرى جاقسى جەتىستىكتەرگە جەتىپ، شەتەلدىك جوعارى وقۋ ورىندارىنا تۇسكىسى كەلەدى»، - دەپ اتاپ ءوتتى دارىندى بالالاردىڭ تالىمگەرى.
ايتا كەتەيىك، حالىقارالىق وليمپيادالارداعى جەڭىستەر الەمنىڭ كەز كەلگەن ۋنيۆەرسيتەتىنە تۇسۋگە 100% كەپىلدىك بەرەدى. ول ءۇشىن مۇعالىمدەر دە ۇلكەن كۇش-جىگەر جۇمسايدى، ءبىراق سونىمەن بىرگە وقۋشىلار ءوز بەتىنشە ءبىلىم الا الادى.
وليمپياداشىلاردىڭ وزدەرى بارلىق ۋاقىتتارىن وقۋعا ارنايتىنىن ايتتى. نەگىزگى ساباقتاردان باسقا، وليمپيادالارعا دايىندالۋعا 5-6 ساعات كەتەدى.
«ماڭىزدى وليمپيادالار الدىندا بۇل ۋاقىت كۇنىنە 14 ساعاتقا دەيىن ارتادى. ءبىر ۇيىقتاپ الىپ، دەمالىپ، ءارى قاراي جۇمىس ىستەي بەرەمىز»، - دەپ ءبولىستى بيولوگيا بويىنشا حالىقارالىق وليمپيادانىڭ (IBO) قولا جۇلدەگەرى، «گالاكسي» حالىقارالىق مەكتەبىنىڭ 12 سىنىپ وقۋشىسى يسلام امانگەلدى.
حالىقارالىق فيزيكالىق وليمپيادانىڭ (IPhO) كۇمىس جۇلدەگەرى، «ميراس» حالىقارالىق مەكتەبىنىڭ 12-سىنىپ وقۋشىسى دوسجان بيسيمبي وليمپيادالارعا قاتىسۋ ءوز ۋاقىتىن دۇرىس پايدالانۋعا مۇمكىندىك بەرەدى جانە ماقساتقا ۇمتىلادى دەپ ەسەپتەيدى.
«سونىمەن قاتار، بۇل - باسقا ەلدەردىڭ ەڭ اقىلدى وقۋشىلارىمەن تانىسۋ تاجىريبەسى»، - دەپ تولىقتىردى ول.
№ 165 مامانداندىرىلعان ليسەيدىڭ ديرەكتورى ەربول باەكوۆ كوپ جاعدايدا ءبىزدىڭ دارىندى بالالارىمىزدىڭ جەڭىستەرى ولاردىڭ جەتەكشىلەرىنىڭ - بالالاردىڭ الدىنا ماقسات قويا الاتىن جانە ولارعا قول جەتكىزۋگە كومەكتەسەتىن تاجىريبەلى مۇعالىمدەردىڭ ەڭبەگى ەكەنىن ايتتى.
«دارىندى بالانى انىقتاۋ ءۇشىن جان-جاقتى جۇمىستار جۇرگىزىلۋدە. ەڭ الدىمەن، وقۋشىنىڭ قالاۋى بولعانى ءجون. ءارى قاراي، ۇيدە 8-9 ساعات بويى دايىندالا الاتىنداي جاعداي جاسالۋ كەرەك. مۇندا ەڭ ماڭىزدى ءرولدى ءپان ءمۇعالىمى اتقارادى. ول وقۋشىنىڭ تالانتىن اشادى جانە ودان ءارى ونىڭ دامۋىنا ىقپال ەتەدى. مەكتەپ اكىمشىلىگى وليمپياداعا دايىنداۋعا ماماندانعان جەتەكشىلەردى تاعايىندايدى، ولاردىڭ قولىنا مۇعالىمدەر وقۋشىنى سەنىپ تاپسىرادى»، - دەپ قورىتىندىلادى مەكتەپ ديرەكتورى.