الماتىدا سۋعا باتىپ بارا جاتقان ءجاسوسپىرىمدى پوليسيا قۇتقارىپ قالدى

بالا پاراپەت ارقىلى ارعى بەتكە وتپەك بولعان

جەدەل ارەكەت ەتۋ ارناۋلى جاساعىنىڭ (سوبر) جاۋىنگەرى ەسەنتاي وزەنىنە سۋعا باتىپ بارا جاتقان 14 جاستاعى روماندى قۇتقارىپ قالدى، دەپ حابارلايدى Almaty-akshamy.kz الماتى قالالىق پوليسيا دەپارتامەنتى باسپا ءسوز قىزمەتىنە سىلتەمە جاساپ.

وقيعا كەشە المالى اۋدانىندا كەشكى ساعات سەگىز جارىم شاماسىندا بولعان.

«14 جاسار رومان دوستارىمەن بىرگە ەسەنتاي وزەنىنىڭ جاعالاۋىندا بولعان.  بالا پاراپەت ارقىلى ارعى بەتكە وتپەك بولادى، ءبىراق، وكىنىشكە قاراي، ءسۇرىنىپ، سۋعا قۇلاپ كەتتى.  بۇل كەزدە وسى ايماقتا قۇقىقتىق ءتارتىپتى قامتاماسىز ەتۋ ءۇشىن جاياۋ جاساقتىڭ قۇرامىندا جەدەل قيمىلداۋ ارنايى جاساعىنىڭ ينسپەكتورى اسقار تورتاي مەن ۋچاسكەلىك ينسپەكتور رۋسلان قالييەۆ كەزەكشىلىك اتقارىپ جۇرگەن.  سۋعا باتىپ بارا جاتقان بالانى كورگەن اعا لەيتەنانت تورتاي بىردەن سۋعا سەكىرىپ، روماندى شىعارىپ الدى.  ابىروي بولعاندا، ءقازىر بالادا بارلىعى جاقسى.  ول اتا-اناسىنا تاپسىرىلدى»، - دەدى الماتى قالالىق پوليسيا دەپارتامەنتى باستىعىنىڭ ءبىرىنشى ورىنباسارى، پوليسيا پولكوۆنيگى نۇرلان الماسبەكوۆ.

قۇتقارىلعان بالانىڭ اناسى پوليسياعا العىسىن ءبىلدىردى.

«كومەك كورسەتكەنى ءۇشىن پوليسيا قىزمەتكەرلەرىنە العىسىم شەكسىز.  ولار ءدال ۋاقىتىندا سول جەردە بولدى.  سول ساتتە ۇلىمنىڭ جانىنان تابىلدى.  بالادا ءبارى جاقسى»، - دەپ، العىسىن ءبىلدىردى روماننىڭ اناسى.