بۇگىن مەملەكەت باسشىسى قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالادى، - دەپ حابارلايدى اqshamnews.kz ءتىلشىسى.
پرەزيدەنتتىڭ ايتۋىنشا، ەلىمىزدەگى باستى ماسەلەلەردىڭ ءبىرى – جوعارى ينفلياسيا.
توقايەۆ ۇكىمەت پەن ۇلتتىق بانك ءبىر كوماندا بولىپ جۇمىس ىستەۋگە ءتيىس ەكەنىن ايتتى.
"قازىرگى باستى ماسەلە: جوعارى ينفلياسيا ەكونوميكالىق كورسەتكىشتەر مەن حالىقتىڭ تابىسىن "جۇتىپ قويىپ" جاتىر. ونىڭ دايىن تۇرعان شەشىمى جوق، بۇل – كوپتەگەن مەملەكەت بەتپە-بەت كەلىپ وتىرعان تۇيتكىل. ماسەلە بارىنە ورتاق بولعانمەن، ول ءبىزدىڭ جاعدايدا ايرىقشا سەزىلىپ وتىر.
وسى ماكروەكونوميكالىق قۇرساۋدان شىعۋىمىز كەرەك. قيىندىقتار كۇنى كەشە عانا پايدا بولعان جوق. ونى شەشۋ ءۇشىن الەمدەگى وزىق تاجىريبەلەردى ەسكەرىپ، جۇرتقا ۇناي بەرمەيتىن شارالار قابىلداۋعا جانە ونىڭ جاۋاپكەرشىلىگىن كوتەرىپ الۋعا دايىن بولۋ قاجەت.
ۇكىمەت پەن ۇلتتىق بانك مەملەكەتتىك اۋقىمداعى مىندەتتى الدىنا قويعان ءبىرتۇتاس كوماندا رەتىندە جۇمىس ىستەۋى كەرەك. ءقازىر اركىم كورپەنى وزىنە قاراي تارتاتىن كەز ەمەس"