قازاقستاندا ازاماتتارعا ارناۋلى الەۋمەتتىك قىزمەتتەر (بۇدان ءارى – ءااق) كورسەتەتىن سۋبەكتىلەردى ليسەنزيالاۋ پروسەسى اياقتالۋعا جاقىن. 2025 جىلعى 19 مامىرداعى جاعداي بويىنشا ءااق كورسەتۋشىلەردىڭ 92%-ى ليسەنزيا الدى، كورسەتىلەتىن قىزمەتتى الۋشىلاردىڭ 97%-نا وسى ۇيىمداردا قىزمەت كورسەتىلەدى.
بۇعان دەيىن حابارلانعانداي، قازاقستاندا حالىقتى الەۋمەتتىك قورعاۋ سالاسىندا ءااق كورسەتەتىن ۇيىمداردى ليسەنزيالاۋ 2025 جىلدىڭ 1 قاڭتارىنان باستالدى.
ارناۋلى الەۋمەتتىك قىزمەتتەر كورسەتەتىن بارلىق مەنشىك نىسانىنداعى ۇيىمدار ليسەنزيالاۋعا جاتادى. بۇل جاڭاشىلدىق ءااق كورسەتۋ جۇيەسىن جاڭعىرتۋ كەزەڭدەرىنىڭ ءبىرى بولىپ تابىلادى جانە ءبىرىنشى كەزەكتە مىنالارعا باعىتتالعان:
- ۇسىنىلاتىن ءااق ساپاسىن ارتتىرۋ؛
- قىزمەت الۋشىلاردىڭ قۇقىقتارىن قورعاۋ جانە قاۋىپسىزدىك كەپىلدىگى؛
- ءااق ۇسىناتىن ۇيىمدار ءۇشىن ءبىرىڭعاي ستاندارتتاردى بەلگىلەۋ.
ليسەنزيالاۋ ەنگىزىلگەنگە دەيىن ەڭبەك جانە حالىقتى الەۋمەتتىك قورعاۋ مينيسترلىگى 2024 جىلى ولاردىڭ قىزمەتىنىڭ اشىقتىعىن جانە بيۋدجەت قاراجاتىن جۇمساۋدى قامتاماسىز ەتۋ ءۇشىن ءااق كورسەتۋ ورتالىقتارىنداعى بارلىق بيزنەس-پروسەستەردى اۆتوماتتاندىرۋ بويىنشا ۇلكەن جۇمىس جۇرگىزدى.
ماسەلەن، جەرگىلىكتى اتقارۋشى ورگانداردىڭ اقپاراتى بويىنشا، 2024 جىلعى 1 شىلدەدەگى جاعداي بويىنشا ءااق كورسەتەتىن ورتالىقتاردىڭ سانى – 1023، فاكتى بويىنشا (دەرەكتەردى سيفرلاندىرعاننان كەيىن) – 587، كورسەتىلەتىن قىزمەتتى الۋشىلاردىڭ سانى – 135 947، ال فاكتى بويىنشا (دەرەكتەردى سيفرلاندىرعاننان كەيىن) – 93،6 مىڭ ادامدى قۇرادى. وسىلايشا، ءااق قارجىلاندىرۋ سوماسى 31،6 ملرد تەڭگەگە ازايدى.
سونىمەن بىرگە ءااق كورسەتۋ جۇيەسىن جاڭعىرتۋ اياسىندا 12 235 مىڭ الەۋمەتتىك قىزمەتكەردىڭ 8 811ء-نىڭ راستالعان ساناتى بولماعانى انىقتالدى. بىلىكتىلىك دەڭگەيىن ارتتىرۋ ءۇشىن 10 مىڭنان استام الەۋمەتتىك قىزمەتكەردى وقىتۋ جانە سەرتيفيكاتتاۋ جۇرگىزىلدى. الەۋمەتتىك قىزمەتكەرلەردى دايارلاۋ جانە قايتا وقىتۋ بويىنشا 14 جوو-مەن مەموراندۋمدار جاسالدى.
ليسەنزيا الۋدىڭ نەگىزگى شارتتارىنىڭ ءبىرى: سانيتارلىق نورمالار مەن ءورت قاۋىپسىزدىگى ەرەجەلەرىنە سايكەس كەلەتىن ءااق كورسەتۋگە جارامدى عيماراتتىڭ بولۋى؛ قاجەتتى ماتەريالدىق-تەحنيكالىق بازانىڭ جانە قىزمەتكەرلەر قۇرامىنىڭ بولۋى؛ حالىقتىڭ از قوزعالاتىن توپتارى ءۇشىن عيماراتتىڭ قولجەتىمدىلىگىن قامتاماسىز ەتۋ جانە باسقالار.
2024 جىلدىڭ قازان ايىنان باستاپ ق ر ەحاقم حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ اۋماقتىق دەپارتامەنتتەرى ليسەنزيا الدى تالداۋ جۇرگىزدى، جەرگىلىكتى اتقارۋشى ورگاندارمەن جانە ۇەۇ-مەن بىرلەسىپ، ءااق كورسەتەتىن بارلىق ۇيىمداردى ليسەنزيالاۋعا دايىنداۋ ماسەلەلەرى پىسىقتالدى.
بۇگىندە فيليالدار مەن بولىمشەلەردى قوسقاندا، 530 ليسەنزيا بەرىلدى، بۇلار بۇكىل ەل بويىنشا 92،8 مىڭ ادامعا قىزمەت كورسەتىلەتىن 548 ۇيىم نەمەسە كورسەتىلەتىن قىزمەتتى الۋشىلاردىڭ 97% - ى.
ليسەنزيا بەرۋدەن باس تارتۋدىڭ نەگىزگى سەبەپتەرى: ماتەريالدىق-تەحنيكالىق بازانىڭ، شتاتتىق نورماتيۆتەردىڭ، مەديسينالىق ليسەنزيانىڭ كىشى تۇرلەرىنىڭ سايكەس كەلمەۋى جانە ءورت قاۋىپسىزدىگى بويىنشا تەكسەرۋ اكتىسىنىڭ نە اۋديت قورىتىندىسىنىڭ بولماۋى بولىپ تابىلادى.
وسىلايشا، باستاپقىدا ليسەنزيالاۋعا جاتاتىن 587 سۋبەكتىنىڭ 384-دە قاجەتتى ماتەريالدىق-تەحنيكالىق بازا بولماعان، ال كەيبىر جاعدايلاردا ءتىپتى جابدىقتار مەن جيھازداردان تەك كىلەمدەر مەن ديۆاندار بولعان.
جەرگىلىكتى اتقارۋشى ورگاندار ءااق ۇسىناتىن مەملەكەتتىك جانە مەملەكەتتىك ەمەس ۇيىمداردى بەلگىلەنگەن بىلىكتىلىك تالاپتارىنا سايكەس كەلتىرۋ جونىندەگى جۇمىستى جالعاستىرۋدا. ماسەلەن، رەسپۋبليكا بويىنشا ءااق كورسەتەتىن 55 ۇيىمعا ماتەريالدىق-تەحنيكالىق جاراقتاندىرۋ، مۇگەدەكتىگى بار ادامدار ءۇشىن قولجەتىمدىلىك، الاڭدى كەڭەيتۋ (جاڭا عيماراتتار سالۋ) بولىگىندە سايكەستىكتى قامتاماسىز ەتۋ ءۇشىن جەرگىلىكتى بيۋدجەتتەر مەن دەمەۋشىلەر قاراجاتى ەسەبىنەن 8 ملرد 708 ملن تەڭگەدەن استام قاراجات ءبولىندى، قوسىمشا 928،6 ملن تەڭگە ءبولۋ جوسپارلانۋدا.
ليسەنزيا بەرۋدەن باس تارتقان ۇيىمدار بەلگىلەنگەن تالاپتارعا سايكەسسىزدىكتەر جويىلعاننان كەيىن ليسەنزيالاۋعا قايتا ءوتىنىش بەرە الادى.
بۇعان قوسىمشا كورسەتىلەتىن قىزمەتتى الۋشىلاردىڭ 3%-نىڭ قامتىلماۋى بويىنشا ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ مينيسترلىگىمەن جانە اكىمدىكتەرمەن بىرلەسىپ، بوس الاڭدارى بار مەديسينالىق ۇيىمدارمەن ءااق كورسەتۋگە ليسەنزيا الۋ بويىنشا جۇمىس جۇرگىزۋدە.
ليسەنزيالاۋ جانە ءااق كورسەتۋ جۇيەسىن جاڭعىرتۋ شەڭبەرىندە قابىلداناتىن باسقا دا شارالار ارناۋلى الەۋمەتتىك قىزمەتتەردىڭ ساپاسىن جانە مۇگەدەكتىگى بار ادامدار مەن كورسەتىلەتىن قىزمەتتى الۋشىلاردىڭ وزگە دە ساناتتارىن الەۋمەتتىك وڭالتۋدىڭ تيىمدىلىگىن ارتتىرۋ ءۇشىن جاعدايلار جاسايدى، سونداي-اق وسى سالاداعى بۇزۋشىلىقتار سانىن ازايتۋعا ىقپال ەتەتىن بولادى.