نەمىس كەدەن قىزمەتى مالىمەتىنشە، 39 جاستاعى قازاقستان ازاماتى گەسسەننىڭ سولتۇستىگىندە تۇرعان.
گەرمانيادا قازاقستاننان شىققان اۆتوديلەردىڭ ۇيىنە ءتىنتۋ جۇرگىزۋ بارىسىندا كروكوديلدىڭ باسى تابىلدى، - دەپ حابارلايدى aqshamnews.kz Bild گازەتىنە سىلتەمە جاساپ.
ول سانكسيالاردى اينالىپ ءوتىپ، رەسەيگە ونداعان ليۋكس-كلاسستاعى اۆتوكولىك، موتوسيكل مەن كۆادروسيكلدى ءۇشىنشى ەلدەر، سونىڭ ىشىندە قازاقستان ارقىلى جەتكىزگەن. ەكسپورتتىڭ جالپى قۇنى شامامەن 25 ميلليون ەۋروعا باعالانىپ وتىر.
"كۇدىكتىنىڭ تۇرعىن جانە كوممەرسيالىق عيماراتتارىنا ءتىنتۋ جۇرگىزۋ كەزىندە جالپى قۇنى 1،3 ميلليون ەۋرو بولاتىن 21 كولىك قۇرالى، دوپينگتىك پرەپاراتتار، تىيىم سالىنعان ەلەكتروشوكەر جانە سيرەك كەزدەسەتىن، قورعالاتىن تۇرگە جاتاتىن قولتىراۋىننىڭ باسى تاركىلەندى"، – دەلىنگەن حابارلامادا.
كەدەن قىزمەتىنىڭ مالىمەتىنشە، ەر ادام سانكسيانى شامامەن 700 رەت بۇزعان بولۋى مۇمكىن.