380 ازامات اكىمشىلىك جاۋاپكەرشىلىككە تارتىلدى.
الماتى پوليسەيلەرى «ۋچاستوك» اتتى رەسپۋبليكالىق جەدەل الدىن الۋ ءىس-شاراسىن جۇرگىزىپ جاتىر. وسى شارا اياسىندا ولار 12 مىڭ ءۇيدى تەكسەردى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، شارا بارىسىندا پوليسيادا ەسەپتە تۇرعان 410 ادام تەكسەرىلدى. تۇرۋعا ءتيىستى تىركەۋسىز تۇرعىن ءۇي بەرۋدىڭ 340 فاكتىسى انىقتالعان، ونىڭ ىشىندە ۋاقىتشاسى دا بار.
«سونىمەن قاتار، ءجاى ءبىرىنشى اپتاسىندا تۇرعىلىقتى جەرى بويىنشا 259 شەتەلدىك ازامات تەكسەرىلدى، كوشى -قون زاڭناماسىن بۇزۋدىڭ 11 فاكتىسى انىقتالدى. سوت شەشىمىمەن ەكى ادام ەلدەن شىعارىلدى، بەس شەتەلدىك ازاماتتىڭ ەلدە بولۋ مەرزىمى قىسقارتىلدى. سونداي-اق، ناقتى تۇرعىلىقتى جەرى جوق 20-دان استام ادام ۇستالدى، ولاردىڭ 15ء-ى قابىلداپ-تاراتۋ بولىمىنە ورنالاستىرىلدى. سونىمەن قاتار، كامەلەتكە تولماعانداردىڭ 95ء-ى ۇستالدى، ولاردىڭ 25ء-ى قوعامدىق ورىنداردا الكوگولدىك سۋسىنداردى ىشكەنى ءۇشىن، زاڭدى وكىلدەرىنسىز جۇرگەن سەگىز بالا ويىن-ساۋىق مەكەمەلەرىندە تابىلدى. قاڭعىباستىق پەن قايىرشىلىق ءۇشىن 26 ءجاسوسپىرىم ۇستالدى، ونىڭ 12ء-سى كامەلەتكە تولماعانداردى بەيىمدەۋ ورتالىعىنا ورنالاستىرىلدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.
مامانداردىڭ ايتۋىنشا،جەدەل جاعدايدى جاقسارتۋ، قوعامدىق ءتارتىپتى، جول قاۋىپسىزدىگىن قامتاماسىز ەتۋ، زاڭسىز كوشى-قوندى جانە باسقا دا زاڭسىز ارەكەتتەردى اۋىزدىقتاۋ ماقساتىندا الماتى قالاسىنىڭ اۋماعىندا اعىمداعى جىلدىڭ 1 قىركۇيەگىنەن 1 جەلتوقسانىنا دەيىنگى ارالىقتا «ۋچاستوك» رەسپۋبليكالىق جەدەل الدىن الۋ ءىس-شاراسى جۇرگىزىلۋدە.
«ءىس-شارانىڭ نەگىزگى مىندەتى – اكىمشىلىك ايماقتاردى ۇيدەن-ۇيگە جانە اۋلانى اينالىپ ءوتۋ، تىركەۋ ىسىنە تۇرعىندار تۋرالى اقپاراتتى ەنگىزۋ، ءىىو تىركەلگەن ادامدارمەن الدىن الۋ جۇمىسىن جۇرگىزۋ، سونىمەن قاتار، زاڭسىز باعدارلانعان ادامدار تۋرالى جان-جاقتى اقپارات جيناۋ»، – دەپ ءتۇسىندىردى ساتتاروۆ.