جاڭا وقۋ كەزەڭى باستالعاندا جاۋىنگەرلىك دايارلىقتان ءداستۇرلى تۇردە وتكىزىلەتىن تاكتيكالىق-ساپتىق ساباقتاردىڭ قورىتىندىسى شىعارىلدى
ق ر قورعانىس مينيسترلىگىنىڭ دەرەگىنشە، ساباقتار ۇردىسىنە سايكەس، اسكەرلەر جاۋىنگەرلىك ازىرلىكتىڭ جوعارى دەڭگەيىنە كەلتىرىلدى، دەپ حابارلايدى Almaty-akshamy.kz
جەكە قۇرامدى حاباردار ەتۋ، باسقارۋ پۋنكتتەرىن جابدىقتاۋ، ءوزارا ءىس-قيمىل جانە جان-جاقتى قامتاماسىز ەتۋ، سونداي-اق بولىمشەلەردى اسكەري قولدانۋعا بەلگىلەنگەن اۋداندارعا جىبەرۋ ماسەلەلەرى پىسىقتالدى. شتاتتىق كيىم-كەشەكتىڭ، بايلانىس قۇرالدارىنىڭ، جەكە قورعانىس قۇرالدارىنىڭ، تۇنگى اسپاپتاردىڭ، نىسانالاردىڭ جانە باسقا دا اسكەري مۇلىكتىڭ سانى مەن جاي-كۇيى تەكسەرىلدى.
اسكەري بولىمدەردىڭ باسشىلىعى اسكەري بولىمدەرگە، بازالارعا، اۋەايلاقتار مەن اسكەري قالاشىقتارعا شابۋىل جاساۋ كەزىندە بولىمشەلەردىڭ، كەزەكشى كۇشتەر مەن قۇرالداردىڭ ۇشقىشسىز ۇشۋ اپپاراتتارىنا جانە شارتتى قارسىلاستىڭ ديۆەرسيالىق توپتارىنا قارسى ءىس-قيمىل جاساۋعا دايىندىعىن ارتتىرۋعا ەرەكشە نازار اۋداردى.
جاۋىنگەرلىك دايارلىق اپتالىعىنىڭ ءىس-شارالار كەشەنىندە قورعانىس مينيسترلىگى باسقا دا اسكەرلەر مەن اسكەري قۇرىلىمداردىڭ باسقارۋ ورگاندارىمەن ءوزارا ءىس-قيمىلدى ۇيىمداستىرۋ ماسەلەلەرىنە نازار اۋداردى.
سونىمەن، باس شتابتا، وڭىرلىك قولباسشىلىقتاردا جانە دەسانتتىق-شابۋىلداۋ اسكەرلەرىندە ۇقك شەكارا قىزمەتىنىڭ جەدەل توپتارىمەن مەملەكەتتىك شەكارانى كۇشەيتۋ بويىنشا بىرلەسكەن ءىس-قيمىلدار ناقتىلانىپ، ءىس جۇزىندە پىسىقتالدى. مەملەكەتتىك كۇزەت قىزمەتىنىڭ لاۋازىمدى ادامدارىمەن قارۋلى كۇشتەردىڭ بولىمشەلەرىن ستراتەگيالىق ماڭىزدى وبەكتىلەردى كۇزەتۋگە جانە قورعاۋعا تارتۋ ءتارتىبى ۇيلەستىرىلدى. ق ر ۇلتتىق ۇلانىنىڭ وكىلدەرىمەن بىرلەسىپ، مىندەتتەردى ورىنداۋعا جۇمىلدىرىلاتىن كۇشتەر مەن قۇرالداردىڭ ازىرلىگىن قارادى.
دەسترۋكتيۆتى ۇيىمداردىڭ لاڭكەستىك ىس-ارەكەتىنەن تونەتىن قاۋىپتەر مەن تاۋەكەلدەردىڭ ارتىپ كەلە جاتقانىن ەسكەرە وتىرىپ، قارۋلى كۇشتەردى تەرروريزمگە قارسى وپەراسيالاردا قولدانۋ ماسەلەلەرى پىسىقتالدى. لاۋازىمدى ادامدار اسكەرلەردىڭ قوزعالۋ باعىتتارىن، قارۋدى قولدانۋ ءتارتىبىن، وبەكتىلەردى، توسقاۋىل بەكەتتەردى، بايلانىستى ۇيىمداستىرۋدى جانە دابىلدى باسقارۋ، تاماقتاندىرۋ، مەديسينالىق قامتاماسىز ەتۋ، بولىنەتىن جەكە قۇرام مەن تەحنيكانىڭ سانىن ناقتىلادى.
اۋماقتىق قورعانىس بريگادالارىنىڭ باسشىلىعى تابيعي جانە تەحنوگەندىك سيپاتتاعى توتەنشە وقيعالاردىڭ سالدارىن جويۋدا تجم بولىمشەلەرىمەن ءوزارا ءىس-قيمىل ۇيىمداستىردى.
اسكەري باسقارۋ ورگاندارىندا بىرلەسكەن شتابتىق جاتتىعۋ وتكىزىلىپ، ونىڭ بارىسىندا قاۋىپ-قاتەر ارتقان جاعدايدا اسكەري قاۋىپسىزدىكتى قامتاماسىز ەتۋ ماسەلەلەرى پىسىقتالدى.
بۇل شارالاردىڭ ءبارى قارۋلى كۇشتەر بىرلەستىكتەرىنىڭ، قۇرامالارى مەن بولىمدەرىنىڭ جاۋىنگەرلىك ازىرلىك دەڭگەيىن، باسقا دا اسكەرلەر مەن اسكەري قۇرالىمدارمەن جەدەل ۇيلەسىمدىلىگىن انىقتاۋعا مۇمكىندىك بەردى.
جەرگىلىكتى اسكەري باسقارۋ ورگاندارىمەن اسكەرگە شاقىرۋدى ۇيىمداستىرۋ جانە جۇمىلدىرۋ رەسۋرستارىن جەتكىزۋ بويىنشا اۋقىمدى جۇمىس كولەمى جۇرگىزىلدى.
بيىل 2 جەلتوقساندا قازاقستاننىڭ قارۋلى كۇشتەرىندە جاڭا وقۋ جىلى باستالعانى وسىعان دەيىن دە ايتىلعان بولاتىن. 2022 وقۋ جىلىنا دايارلىق بارلىق ساناتتاعى اسكەري قىزمەتشىلەردىڭ بەلگىلەنگەن مىندەتتەرىن ورىنداۋداعى ازىرلىگىن ارتتىرۋعا، اسكەردىڭ ودان ءارى كاسىبي وسۋىنە باعىتتالعان. جاۋىنگەرلىك دايارلىق شارالارىنىڭ 80 مىڭنان استام ءتۇرىن وتكىزۋ، ياعني وقۋ-جاتتىعۋلار، ءىس جۇزىندەگى وق اتۋلار، پاراشيۋتپەن سەكىرۋ، جاتتىعۋ ۇشۋلارى، بولىمشەلەردىڭ دالالىق جورىقتارى، كەمەلەردىڭ تەڭىزگە شىعۋلارى جانە جاۋىنگەرلىك ماشينالاردى جۇرگىزۋ جوسپارلانىپ وتىر.