دەپۋتاتتار بۇل قىزمەتكە ۆاحاگن حاچاتۋرياندى ۇسىندى.
ارمەنيادا پرەزيدەنت سايلاۋى ناۋرىزدا وتەدى. ەل پارلامەنتىنىڭ 65 دەپۋتاتى بۇل قىزمەتكە جوعارى تەحنولوگيالىق يندۋستريا ءمينيسترى ۆاحاگن حاچاتۋرياندى ۇسىندى. بۇل تۋرالى ۇكىمەت وتىرىسىندا پرەمەر-مينيستر نيكول پاشينيان ايتتى، دەپ حابارلادى Almaty-akshamy.kz Interfax.ru سىلتەمە جاساپ.
23 قاڭتاردا ارمەنيا پرەزيدەنتى ارمەن ساركيسيان وتستاۆكاعا كەتتى. پارلامەنت بۇل شەشىمدى 1 اقپاندا بەكىتتى. پرەزيدەنتتىڭ مىندەتىن ۋاقىتشا پارلامەنت سپيكەرى الەن سيمونيان اتقارادى.
ارمەنيا پرەزيدەنتىن پارلامەنت جەتى جىل مەرزىمگە سايلايدى. سايلاۋ رەسپۋبليكا پرەزيدەنتiنiڭ بوس لاۋازىمى اشىلعاننان كەيiن 25 كۇننەن ەرتە ەمەس جانە 35 كۇننەن كەشiكتiرiلمەي وتكiزiلەدi.
ۆاحاگن حاچاتۋريان ارمەنيانىڭ ەكس-پرەزيدەنتى ليەۆون تەر-پەتروسياننىڭ ساياسي سەرىگى بولىپ سانالادى، بۇل قىزمەتتى 1991-1998 جىلدارى اتقارعان.
حاچاتۋريان 1992-1996 جانە 1996-1998 جىلدارى ەريەۆان قالاسىنىڭ مەرى بولدى. 2019-2021 جىلدارى پرەزيدەنتتىڭ كەڭەسشىسى، ارمياندىق ءىرى كاسىپكەرلەردىڭ ءبىرى، بيلەۋشى پارتيانىڭ دەپۋتاتى حاچاتۋر سۋكياسياننىڭ وتباسىنا جاتاتىن «ارمەكونبانك» باسقارماسىنىڭ مۇشەسى بولدى. 2021 جىلدىڭ تامىزىندا حاچاتۋريان جوعارى تەحنولوگيالىق يندۋستريا ءمينيسترى بولىپ تاعايىندالدى.
