ءازىربايجاننىڭ ارمەنياعا قارسى تەرريتوريالىق تالاپتارى جوق
ارمەنيا پرەمەر-مينيسترى نيكول پاشينيان ماسكەۋدەگى جوعارى ەۋرازيالىق ەكونوميكالىق كەڭەستىڭ وتىرىسى اياسىندا ارمەنيا مەن ءازىربايجان ءبىر-بىرىنىڭ تەرريتوريالىق تۇتاستىعىن ءوزارا مويىنداۋعا كەلىسكەنىن جەتكىزدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
"مەن، ءوز تاراپىمنان، ارمەنيا مەن ءازىربايجان ءبىر-بىرىنىڭ تەرريتوريالىق تۇتاستىعىن ءوزارا مويىنداۋعا كەلىسكەنىن راستاعىم كەلەدى ءارى وسى نەگىزدە ءبىز قارىم-قاتىناسىمىزدى رەتتەۋدە وتە جاقسى ىلگەرىلەۋگە قول جەتكىزۋدەمىز دەپ ايتۋعا بولادى"، - دەپ تاسس پاشينياننىڭ ءسوزىن كەلتىرەدى.
سونداي-اق ول جۋىردا باكۋ مەن ستەپاناكەرتتىڭ سالماقتى سىندارلى ديالوگى باستالاتىنىن اتاپ ءوتتى.
پرەزيدەنت الييەۆتىڭ ايتۋىنشا، ءازىربايجاننىڭ ارمەنياعا قارسى تەرريتوريالىق تالاپتارى جوق.
"باكۋ مەن ەريەۆاننىڭ بەيبىت كەلىسىمگە كەلۋ مۇمكىندىگى بار، اسىرەسە ارمەنيا قاراباقتى ءازىربايجاننىڭ ءبىر بولىگى رەتىندە رەسمي تۇردە مويىنداعانىن ەسكەرسەك"، - دەپ جاۋاپ بەردى ءازىربايجان پرەزيدەنتى يلحام الييەۆ.
بۇعان دەيىن ماسكەۋدە جوعارى ەۋرازيالىق ەكونوميكالىق كەڭەستىڭ وتىرىسى ءوتىپ جاتقانى حابارلانعان بولاتىن. وتىرىستا ق ر پرەزيدەنتى قاسىم-جومارت توقايەۆ ءسوز سويلەدى، ول ءبىرقاتار باستامالاردى اتاپ ءوتتى، ونىڭ ىشىندە قازاقستان ەۋرازيالىق ونەركاسىپتىك كووپەراسيانى دامىتۋ ورتالىعى رەتىندە ارەكەت ەتۋگە دايىن ەكەنىن اتاپ ءوتتى.