الەۋمەتتىك جەلىدەن فۋتبول تاقىرىبىن "شەمىشكەشە شاعىپ"، "رەال مادريد" كلۋبىنا جانكۇيەر بولىپ وتىرعان اجەيدى كورگەن بولارسىز. ونىڭ تەڭبىل دوپ ونەرىنە دەگەن قىزىعۋشىلىعى كوپتىڭ تاڭدانىسىن تۋدىرىپ، جەلىدە لەزدە كوپتەگەن قارالىم جينادى. اqshamnews.kz ءتىلشىسى اياق دوبى دەسە "ىشكەن اسىن جەرگە قوياتىن" قىزىلوردالىق شامشاگۇل اپانىڭ اڭگىمەسىن سۇراپ ءبىلدى.
"فۋتبولعا ماحابباتىمدى رونالدۋ وياتتى"
شامشاگۇل مىرزالى قىزى قىزىلوردا وبلىسى، ارال اۋدانىندا دۇنيەگە كەلگەن. 65 جاستاعى زەينەتكەر جامبىل تەحنولوگيالىق ينستيتۋتىندا ەكونوميست-بۋحگالتەر ماماندىعىن مەڭگەرگەن. بۇگىندە جولداسى ەكەۋى ءۇش بالانى تاربيەلەپ ءوسىرىپ، بەس نەمەرە ءسۇيىپ وتىر. ول ءوزىنىڭ فۋتبولعا دەگەن قىزىعۋشىلىعى 2004 جىلعى افينا وليمپياداسىنان باستالعانىن ايتتى.
"بالالارىم فۋتبولدى جاقسى كورىپ، جاستايىنان اۋەس بولدى. سولارمەن بىرگە اندا-ساندا كورىپ ءجۇرىپ، بىرتىندەپ قىزىعا باستادىم. ال شىن قىزىعۋشىلىعىم 2004 جىلعى افينى وليمپياداسىنان باستالدى. سول كەزدە پورتۋگاليا ۇلتتىق قۇراماسىنىڭ ويىنىن كورە وتىرىپ، كريشتيانۋ رونالدۋدىڭ ويىن شەبەرلىگىنە ءتانتى بولدىم. وسىدان كەيىن-اق فۋتبولعا شىن قىزىعۋشىلىعىم ارتتى"، – دەيدى شامشاگۇل مىرزالى قىزى.
شامشاگۇل اپا قالاي "مادريديست" بولدى؟
2009 جىلى كريشتيانۋ رونالدۋ "رەال مادريدكە" اۋىسقاننان كەيىن، شامشاگۇل اپا دا رەسمي تۇردە "مادريديست" اتانادى. دەسە دە، اپامىزدى پورتۋگالدىق سۇرمەرگەن عانا ەمەس، وزگە دە فۋتبولشىلار ويىنىمەن ءتانتى ەتكەن.
"2009 جىلى كريشتيانۋ “رەال مادريدكە” كەلدى، وسىدان كەيىن “رەالدىڭ” جانكۇيەرى بولا باستادىم. رەالعا قىزىققان سەبەبىم – الەمنىڭ فۋتبول جۇلدىزدارى جينالعان كلۋب ەكەنىن ءبىلدىم. زيدان، فيگۋ، بەكحەم، پەپە سىندى “جۇلدىزداردى” ءبىر توپتان كورە الدىم. ويىنشىلاردىڭ ءارقايسى ماقتاۋعا وتە لايىقتى، ءبىراق ماعان ويىن شەبەرلىگىمەن قوسا، قاراپايىمدىلىعى، سىپايىلىعىمەن لۋكا مودريچ دەگەن ويىنشى قاتتى ۇنايدى"، - دەيدى ول.
سونداي-اق، شامشاگۇل اپا 2017 جىلعى يسپانيا سۋپەركۋبوگىن ەرەكشە اتاپ ءوتتى. سەبەبى بۇل ماۋسىمدا "رەال" ءوزىنىڭ باستى قارسىلاسى "بارسەلونانى" تىزە بۇكتىرگەن ەدى.
"2017 جىلى يسپانيا سۋپەركۋبوگىندە “رەال مادريد” “بارسەلونانى” ءبىرىنشى ماچتە 3:1 ەسەبىمەن جەڭگەن ەدى. قارىمتا ويىندا 2:0 ەسەبىمەن تاعى جەڭىسكە جەتەدى. كريشتيانۋدىڭ الىستان سوققان گولى ءدوپ تيگەن بولاتىن. ول ءسات ءالى ەسىمدە. بۇل مەنىڭ سۇيىكتى ماچتەرىمنىڭ ءبىرى"، - دەيدى اپا.
"قايرات" پەن "رەال" ماچىندە كىمگە جانكۇيەر بولدى؟
شامشاگۇل مىرزالى قىزى قازاق فۋتبولىن دا قاداعالاپ وتىرادى. ول بيىل چل-عا جولداما العان الماتىلىق "قايراتتىڭ" جەڭىسىنە ەرەكشە قۋانعانىن دا جاسىرمادى. ال كۇللى قازاق كوز تىككەن "رەال" مەن "قايراتتىڭ" تاريحي ماچىندە ول وتاندىق كلۋبقا جانكۇيەر بولعانىن ايتتى.
"ارينە، “قايراتتىڭ” ويىندارىن كورەمىن، جانكۇيەرمىن. داستان ساتپايەۆتى ەرەكشە اتار ەدىم. ول “قايراتتا” دا، ۇلتتىق قۇرامادا دا ءوزىن جاقسى كورسەتىپ جۇرگەن جاس ويىنشى. "رەالعا" قارسى ماچتە البەتتە الماتىلىق كلۋبقا جانكۇيەر بولدىم"، - دەپ قوستى ول.
"ەل-كلاسسيكونى كورۋ - ارمانىم"
شامشاگۇل اپانىڭ جەلىدەگى ۆيدەولارىن ۇلى جۇكتەگەن. ول بۇل وقيعانىڭ قالاي بولعانىن ايتىپ بەردى.
"تۇنگى 2:30-داردا فۋتبول كورىپ وتىرعانمىن. بالام ونى ءتۇسىرىپ الىپ، جەلىگە سالىپ جىبەرىپتى. مەن قارسىلىق ەتكەنىممەن، كەيىن كوبى قىزىعۋشىلىق تانىتىپ، ءتۇرلى سۇراق قويا باستادى"، – دەيدى ول.
شامشاگۇل مىرزالى قىزىنىڭ ارماندارى دا فۋتبولمەن بايلانىستى:
"سانتياگو بەرنابەۋ ستاديونىنا بارۋدى، رەالدىڭ كەرەمەت ويىنىن تاماشالاۋدى كىم ارماندامايدى؟ ەگەر مۇمكىندىك بولسا، ەل-كلاسسيكا ويىنىن كورگىم كەلەدى"، – دەپ قوستى ول.