الماتىدا جاستار كاسىپكەرلىگىن قولداۋعا باعىتتالعان «ENACTUS Kazakhstan Business Collaboration Forum 2025» فورۋمى ءوتتى، دەپ حابارلايدى aqshamnews.kz
بۇل تۋرالى قالانىڭ جاستار ساياساتى باسقارماسى حابارلادى.
فورۋمعا ەلىمىزدىڭ 20 وڭىرىنەن كەلگەن ستۋدەنتتىك جانە مەكتەپ كوماندالارى، بيزنەس وكىلدەرى مەن ساراپشىلار قاتىستى. ءىس-شارا ENACTUS باعدارلاماسىنىڭ قازاقستانداعى 30-ماۋسىمىن اشىپ، 2026 جىلعى ۇلتتىق چەمپيوناتقا دايىندىق ىسپەتتى بولدى. بيىل باعدارلاماعا 230 كوماندا قاتىسىپ وتىر. بۇل سوڭعى جىلدارداعى ەڭ اۋقىمدى كورسەتكىشتەردىڭ ءبىرى.
ءىس-شارا بارىسىندا الماتى قالاسى اكىمىنىڭ ورىنباسارى ابزال نۇكەنوۆ جاستار كاسىپكەرلىگى قالانىڭ دامۋى ءۇشىن ماڭىزدى ەكەنىن اتادى.
«الماتى – مۇمكىندىكتەر مەن يدەيالار قالاسى. ENACTUS سياقتى باستامالار جاستارعا ارمان-ماقساتىن ناقتى جوباعا اينالدىرىپ، قوعام مەن ەكونوميكاعا پايدا اكەلۋگە جول اشادى. ءبىز ءاربىر بەلسەندى جاستى قولداۋعا دايىنبىز»، – دەدى ابزال نۇكەنوۆ.
بيىل 230 كوماندا قاتىسىپ، جاڭا جوبالىق كەزەڭنىڭ ماڭىزىن ايقىن كورسەتە ءبىلدى.
فورۋم بارىسىندا قاتىسۋشىلار ESG باعىتى، جاسىل تەحنولوگيا، بولاشاق ماماندىقتار مەن جاساندى ينتەللەكت جونىندە تالقىلاپ، ءوزىنىڭ الەۋمەتتىك جانە بيزنەس-جوبالارىن تانىستىردى. كوماندالارعا تالىمگەرلىك قولداۋ كورسەتىلىپ، جاڭا سەرىكتەستىك بايلانىس ورناتۋعا مۇمكىندىك بەردى.