الماتى قالاسىنداعى جاستاردىڭ باسپانا ماسەلەسىن شەشۋگە باعىتتالعان «الماتى جاستارى» باعدارلاماسى كوپتەگەن جاس ماماندارعا ءوز ءۇيىنىڭ يەسى اتانۋعا مۇمكىندىك بەرۋدە. مەملەكەتتىك قولداۋدىڭ ارقاسىندا جاس وتباسىلار جالدامالى پاتەردەن ءوز ۇيىنە كوشىپ، باسپانالى بولعاندارىن تويلاۋدا. باسپانا الۋ شارتتارى قولجەتىمدى بولىپ، جاستار ءۇشىن جاڭا مۇمكىندىكتەر اشىلىپ، الماتى قالاسىنىڭ جاستارى ءۇشىن تۇرعىن ءۇي الۋ بۇرىنعىدان دا قولجەتىمدى بولا ءتۇستى!
وسى جىلى باسپانالى بولعانداردىڭ ءبىرى – الماتى قالاسىنىڭ تۋماسى، جاس پاتەر يەسى اسەم ەرجان قىزى ءوز تاجىريبەسىن بىلاي باياندايدى:
- «2019 جىلى ەلىمىزدىڭ پرەزيدەنتى «جاستار جىلى» دەپ جاريالاعان كەزدە، جاستارعا باعىتتالعان جاڭا مۇمكىندىكتەر ەسىگى اشىلدى. سول جىلى ىسكە قوسىلعان «الماتى جاستارى» باعدارلاماسى، 29 جاسقا دەيىنگى جاستاردىڭ بولاشاعىنا سەنىمدى قادام جاساۋعا مۇمكىندىك بەردى. مەن دە سول تالاپتارعا ساي بولىپ، باعدارلامانىڭ العاشقى شاقىرۋىنا قاتىسىپ، ءبىرىنشى نەگىزگى تىزىمگە ەندىم. 2020 جىلدىڭ ناۋرىز ايىندا ءوتىنىشىمدى تاپسىرعان سوڭ، پروسەستىڭ ءار قادامى ايقىن جانە تۇسىنىكتى تۇردە ۇيىمداستىرىلدى. قۇجاتتاردى دايىنداۋ مەن تاپسىرۋ كەزىندەگى بارلىق نۇسقاۋلىقتار ماعان جەڭىل ءارى تۇسىنىكتى بولىپ بەرىلدى. ناتيجەسىندە، ماۋسىم ايىندا مەن 46 شارشى مەترلىك، زاماناۋي جابدىقتالعان جانە وتە ىڭعايلى پاتەرىمدى الدىم. بۇل پاتەر مەن ءۇشىن جاي عانا ءتورت قابىرعادان قۇرالعان ءۇي ەمەس، بولاشاققا دەگەن سەنىمنىڭ نىشانىنا اينالدى. ەگەر وسى باعدارلاما ارقىلى باسپانالى بولماسام، باسقا دا مەملەكەتتىك باعدارلامالاردىڭ تالاپتارى تىم كوپ جانە كۇردەلى بولعاندىقتان، ءوز ءۇيىمدى الۋ مۇمكىندىگى الدەقايدا قيىن بولار ەدى. سوندىقتان دا «الماتى جاستارى» باعدارلاماسى جاستارعا ءتيىمدى شارتتار ۇسىنۋ ارقىلى ءوز ارماندارىنا قول جەتكىزۋگە جول اشتى. مەن ءوزىمنىڭ ارمان ۇيىمە قول جەتكىزگەنىمە وتە قۋانىشتىمىن. بۇل مۇمكىندىك مەن سياقتى كوپتەگەن جاس مامانداردىڭ ومىرىندە جاڭا بەتبۇرىس بولىپ تابىلادى. وسىنداي قولداۋدى كورگەن ءاربىر جاس ازامات ءوز بولاشاعىن جارقىن ەتە الاتىنىنا سەنىمدىمىن. پاتەر العانداردىڭ بارلىعىن شىن جۇرەكتەن قۇتتىقتاي وتىرىپ، جاستارعا وسىنداي مۇمكىندىك جاساپ، قولداۋ كورسەتكەن پرەزيدەنتىمىزگە جانە باعدارلامانى ىسكە اسىرۋعا اتسالىسقان بارلىق قىزمەتكەرلەرگە شەكسىز العىسىمدى بىلدىرەمىن.»
بۇل باعدارلاما جاستاردىڭ بولاشاعىنا دەگەن سەنىمىن ارتتىرىپ، ارمان ۇيلەرىنە جول اشىپ، مەملەكەتتىك قولداۋدىڭ ناقتىلى ۇلگىسىنە اينالدى. سونىمەن قاتار، وسىنداي قولداۋلار جاستاردىڭ الەۋمەتتىك جانە ەكونوميكالىق دامۋىنا ۇلەس قوسىپ، ەلىمىزدىڭ تۇراقتى وسۋىنە ىقپال ەتەدى. وسىلايشا، جاستارعا ارنالعان وسىنداي باعدارلامالار تەك باسپانا الۋ ماسەلەسىن شەشىپ قويماي، ولاردىڭ بولاشاققا دەگەن ءۇمىتىن ارتتىرىپ، جاڭا مۇمكىندىكتەر ەسىگىن اشادى.