بۇگىن پارتيامىزدىڭ كەزەكتەن تىس ءححىى سەزى ونلاين فورماتتا ءوتتى. سونىمەن قاتار بۇگىن - پارتيا كۇنى. ءدال وسى كۇنگە ورايلاستىرىلعان بۇگىنگى جيىننىڭ پارتيا تاريحىنداعى ورنى وتە ەرەكشە بولدى.
پارتيا ءتوراعاسى قاسىم-جومارت توقايەۆتىڭ پارتيانى مودەرنيزاسيالاۋ بويىنشا بەرگەن تاپسىرماسى اياسىندا دايىندالعان باعدارلاما تالقىلاندى جانە ونى سەزد دەلەگاتتارى ءبىراۋىزدان ماقۇلدادى.
وسىعان وراي پارلامەنت ماجىلىسىندەگى Nur Otan پارتياسى فراكسياسىنىڭ ءتوراعاسى ەرلان جاقان ۇلى قوشانوۆ پارتيا اتاۋىن AMANAT دەپ وزگەرتۋ تۋرالى ۇسىنىس ءبىلدىردى. مەملەكەت باسشىسى بۇل ۇسىنىسقا قولداۋ ءبىلدىردى، پارتيانىڭ جاڭا اتاۋىن سەزد دەلەگاتتارى دا ءبىراۋىزدان قولدادى.
بۇل – جاڭا قازاقستاندى قۇرۋ جولىندا جاڭارعان پارتيامىزعا بەرىلگەن ايرىقشا جاۋاپكەرشىلىك پەن كورسەتىلگەن زور سەنىم دەپ بىلەمىن.
«AMANAT» – حالىق مۇراسىن ساقتاۋشى پارتيا. تامىرى تەرەڭ تاريحىمىز، مادەنيەتىمىز بەن ادەبيەتىمىز، ءتىلىمىز بەن ءسالت-داستۇرىمىز – تاۋەلسىز قازاقستاننىڭ بارشا ازاماتتارىنىڭ مۇراسى. وسى مۇرانى ءبىرتۇتاس ەلدىڭ ورتاق مۇددەسى ءۇشىن امانات رەتىندە كوزدىڭ قاراشىعىنداي ساقتاپ، دامۋىنا جاعداي جاساۋ – پارتيانىڭ باستى مىندەتتەرىنىڭ ءبىرى. امانات ساقتالعان جاعدايدا قوعامدا ادامدار اراسىنداعى باۋىرمالدىق، سەنىم مەن مەيىرىم كۇشەيەدى، ەل ىشىندە ىرىس-بەرەكە ۇلعايادى. سوندىقتان، ءقادىرلى اعايىن، جاڭارعان جاڭا پارتيامىز اتىنا زاتى ساي بولادى دەپ سەنەمىن.