– مەن تۇرعىلىقتى جەرىم بويىنشا الماتى قالاسىنداعى №322 سايلاۋ ۋچاسكەسىندە داۋىس بەرۋىم كەرەك ەدى. ءبىراق جۇمىس بابىمەن بۇگىن تاراز قالاسىنا كەلىپ قالدىم. دەگەنمەن ءوزىمنىڭ ازاماتتىق بورىشىمدى ورىنداۋ ءۇشىن الدىن الا ءوزىمنىڭ سايلاۋ ۋچاسكەمە بارىپ، باسقا قالادان داۋىس بەرۋگە رۇقسات الدىم. قازاقستاننىڭ ءار ازاماتى قاي جەردە جۇرسە دە، سايلاۋعا اتسالىسىپ، داۋىس بەرۋى ءتيىس دەپ ويلايمىن.
بۇگىن مەن دە قازاق حالقىنىڭ ءبىر پەرزەنتى رەتىندە سايلاۋعا قاتىسىپ، داۋىس بەردىم. ەلىمىزدىڭ ەرتەڭىنە، حالقىمىزدىڭ بولاشاعىنا ۇلكەن جاۋاپكەرشىلىكپەن قاراۋىمىز كەرەك. سايلاۋعا ءتۇسىپ جاتقان ءار ازامات تا وزىنە ارتىلعان جاۋاپكەرشىلىكتىڭ جۇگىن سەزىنەدى دەپ ۇمىتتەنەمىن. حالىقتىڭ مۇددەسىن بارىنەن جوعارى قوياتىن، ەلى ءۇشىن تەر توگەتىن ازاماتتاردى تاڭداۋ ءوز قولىمىزدا. جۇدىرىقتاي جۇمىلىپ ارەكەت ەتسەك، ءارقايسىمىزدىڭ كوكەيىمىزدەگى جاڭا قازاقستاندى قۇرا الاتىنىمىز انىق.
مارالتاي رايىمبەك ۇلى، اقىن: جاۋاپكەرشىلىكتىڭ سالماعى اۋىر
- اۆتور almaty-akshamy.kz
- 12:00، 19 ناۋرىز 2023
almaty-akshamy.kz