الماتى قالاسى قوعامدىق دامۋ ورتالىعىنىڭ باستاماسىمەن «الماتى تۇلعالارى» جوباسى اياسىندا SmArt.Point كوۆوركينگ - ورتالىعىندا الماتى قالاسى ءماسليحاتىنىڭ دەپۋتاتى، بەلگىلى سپورتشى جانە پاراوليمپياداشى - سەرىك ەسماتوۆتىڭ جاستارمەن كەزدەسۋى ءوتتى،دەپ حابارلايدى aqshamnews.kz
سەرىك ەسماتوۆ - قازاق تۋريزم جانە سپورت اكادەمياسىنىڭ تۇلەگى، 2013 جىلى مالايزيادا وتكەن ءىرى حالىقارالىق جارىستاردىڭ جەڭىمپازى، ۆولەيبولدان قازاقستان جاستار قۇراماسىنىڭ ەكس-كاپيتانى، قازاقستان سپورتشىلارى اراسىندا ۆولەيبولدان ءبىرىنشى پاراليمپيادالىق ءتۋرنيردىڭ قولا مەدالىنىڭ يەگەرى، «قازاقستاننىڭ 100 جاڭا ەسىمى» جوباسىنىڭ جەڭىمپازى، الماتى قالاسى ءماسليحاتىنىڭ دەپۋتاتى. 
ءىس-شارانىڭ ماقساتى - ءوز سالاسىندا جەتىستىككە جەتكەن تۇلعالاردىڭ ۇلگىسىمەن جاستاردى ىنتالاندىرۋ، قانداي جاعداي بولماسىن ءوز سالاسىنىڭ مامانى بولۋعا ۇمتىلۋ، پاتريوتيزم مەن ازاماتتىق بەلسەندىلىك سەزىمىن تاربيەلەۋ، ەشقاشان بەرىلمەۋدى ۇيرەنۋ.
«مەن ءوزىمنىڭ 26 جاسىما دەيىن كوپتەگەن ءومىر بەلەستەرىنەن ءوتتىم. الماتىدا تۋىپ ءوستىم. ءبىرقاتار ۇيىرمەلەرگە قاتىستىم. ماتەماتيكاعا جاقىن بولدىم. سونىمەن بىرگە بوكس، سۋعا ءجۇزۋ، ۆولەيبول سياقتى ءتۇرلى سپورتقا قاتىستىم. مەكتەپتە بەلسەندى بولدىم. جاس كۇنىمنەن ەڭبەككە ارالاستىم. قوعامنىڭ بەلسەندى ىستەرىنە قاتىناستىم. ومىردە بيىك بەلەستەرگە ۇمتىلعاندار ءاردايىم جەتىستىككە جەتەدى، - دەدى الماتى قالاسى ءماسليحاتى دەپۋتاتى سەرىك ەسماتوۆ.
سونىمەن قاتار كەزدەسۋگە ءار سالانىڭ وكىلدەرى، ءار ساناتتاعى جاستار قاتىستى. ورايلى ءساتتى پايدالانىپ، وي-پىكىر بىلدىك.
«بۇل كەزدەسۋدىڭ ءمانى زور. جاستارعا موتيۆاسيا بەرەدى. سونداي-اق كەزدەسۋ قوناعى سەرىك ەسماتوۆ تىڭ ءومىر جولى، جەتىستىكتەرى كوپ ۇلگى-ونەگە. بۇل جيىنعا كەلگەن ستۋدەنتتەر، ءار سالاداعى جاس ورەندەر وزدەرىنىڭ الدىندا مىقتى، قايسار، العا ۇمتىلعان تالاپتى، تالانتتى ادام بار ەكەنىن بىلگەنى دۇرىس. ويتكەنى ادامنىڭ ىستەگەنىن ادام ىستەي الادى دەپ تۇجىرىمدايمىز. بۇل جولىعۋدىڭ ءمان-ماعىناسى زور. بۇنداي كەزدەسۋلەر دەن ءاربىر جاس وزىنە قاجەتتى دۇنيەنى الادى دەپ ويلامىز»، - دەدى كەزدەسۋگە قاتىسۋشى اسەل بورانبايەۆا.