"ءتاريفتى ينۆەستيسيالارعا ايىرباستاۋ" باعدارلاماسى اياسىندا الماتىدا ەلەكتر جەلىلەرىن جاڭعىرتۋ بويىنشا جۇمىستار جۇرگىزىلۋدە. الماتىنىڭ وڭىرلىك كوممۋنيكاسيالار قىزمەتى ۇيىمداستىرعان بريفينگتە ق ر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى اسەل بۋدەنەيەۆا ءسوز سويلەدى.
ونىڭ ايتۋىنشا، "اجك" اق 2024 جىلعا جوسپارلانعان جەلىلەردى مودەرنيزاسيالاۋعا 30،5 ملرد تەڭگە باعىتتايدى، ونىڭ ىشىندە 1،8 ملرد تەڭگە قوسىمشا ينۆەستيسيالار بولىنەدى. وسى شارالار ەلەكتر جەلىلەرىنىڭ توزۋىن 2،45%-عا ازايتۋعا مۇمكىندىك بەرەدى دەپ كۇتىلۋدە. بۇدان بولەك، بۇل شارالار اپاتتىق جاعدايلار مەن نورماتيۆتىك تەحنيكالىق شىعىنداردى ازايتادى.
سونىمەن قاتار، ەلەكترمەن جابدىقتاۋ تاريفتەرىنىڭ وزگەرۋى ەلەكتر ەنەرگياسىن ءوندىرۋ جانە تاراتۋ باعاسىنا، ينۆەستيسيالىق قۇرامداس بولىكتىڭ وزگەرۋىنە، سونداي-اق ەكونوميكالىق كورسەتكىشتەرگە بايلانىستى ەكەنى اتاپ ءوتىلدى.
2024 جىلدىڭ 15 قازانىنان باستاپ ەلەكتر ەنەرگياسىنىڭ ورتاشا باعاسى وزگەرىپ، كەلەسىدەي بولماق:
- حالىق ءۇشىن ققس-سىز 27،59 تەڭگە/كۆت ساع؛
- زاڭدى تۇلعالار ءۇشىن ققس-سىز 30،08 تەڭگە/كۆت ساع؛
- بيۋدجەتتىك ۇيىمدار ءۇشىن ققس-سىز 30،47 تەڭگە/كۆت ساع.
جەكە تۇلعالار ءۇشىن تاريفتەر تۇتىنۋ كولەمىنە بايلانىستى سارالانعان:
- ءبىرىنشى دەڭگەي ءۇشىن ققس-سىز 25،06 تەڭگە/كۆت ساع؛
- ەكىنشى دەڭگەي ءۇشىن ققس-سىز 33،11 تەڭگە/كۆت ساع؛
- ءۇشىنشى دەڭگەي ءۇشىن ققس-سىز 41،39 تەڭگە/كۆت ساع.
تولىعىراق اقپاراتتى https://www.esalmaty.kz/ سايتىنان قاراۋعا بولادى.
سونىمەن قاتار، الماتى اكىمدىگى حالىقتىڭ الەۋمەتتىك وسال توپتارى ءۇشىن تاريفتەردىڭ وسۋىنە بايلانىستى وتەماقى تولەمدەرىن جالعاستىراتىنى اتاپ ءوتىلدى. جوبا اياسىندا 140 مىڭنان استام ادام اي سايىن 0،8 اەك مولشەرىندە الەۋمەتتىك تولەمدەر الدى. بۇل تولەمدەر 2025 جىلدىڭ 1 ساۋىرىنە دەيىن جالعاسادى.
الماتىدا وسى ساناتقا كىرەتىن 333 857 ازامات بار، ولار الەۋمەتتىك كومەك الۋ ءۇشىن قاجەتتى قۇجاتتارىن اكىمدىكتەرگە تاپسىرۋى كەرەك.