ەڭبەك ەلەندى.
قۇربان ايت مەرەكەسى كۇنى «Almaty aqshamy» گازەتى باس رەداكتورىنىڭ ورىنباسارى انۋاربەك اۋەلبەك، Web-رەداكسيا جەتەكشىسى داۋرەن دۇيسەبايەۆ، ءفوتوتىلشى سامات قۇسايىنوۆ، «ۆەچەرنيي Almaty» گازەتىنىڭ ءبولىم رەداكتورى يرينا تۋلينوۆا ق ر اقپارات جانە قوعامدىق دامۋ مينيسترلىگىنىڭ «اقپارات سالاسىنىڭ ۇزدىگى» توسبەلگىسىمەن ماراپاتتالدى.
«قۇربان ايت مەرەكەسى مەن ءۇشىن توسىن سىيعا تولى بولدى. ەڭبەگىم ەلەنىپ، «اقپارات سالاسىنىڭ ۇزدىگى» اتاندىم. جالپى، اقپارات سالاسىندا فوتوتىلشىلەردىڭ ەڭبەگى ەلەۋسىز قالىپ جاتاتىنى جاسىرىن ەمەس. سوندىقتان بۇل ماراپات ەلىمىزدىڭ فوتوتىلشىلەرى ءۇشىن دە ۇلكەن قۇرمەت دەپ بىلەمىن. بولاشاقتا فوتوتىلشىلەردىڭ ەڭبەگى ەسكەرۋسىز قالمايدى دەپ ويلايمىن»، – دەيدى ارىپتەسىمىز سامات قۇسايىنوۆ.
جاۋاپتى حاتشى ءابدىجامال ساپارقۇلوۆتىڭ جاس قوزى ەتىنەن دايىنداعان سىرنەسى مەن شاشپا پالاۋىنان اۋىز تيگەن جۇرتشىلىق ەلدىڭ اماندىعىن، اسپاننىڭ اشىقتىعىن تىلەپ، دۇعا جاسادى.