ءقازىر تەرگەۋ امالدارى جۇرگىزىلىپ جاتىر.
الماتىدا ءىرى كولەمدە «سەپتوحيم» ماركالى دەزينفەكسيا زاتىن زاڭسىز دايىنداۋ جانە ساتۋ دەرەگى انىقتالدى، دەپ حابارلايدى Almaty-akshamy.kz قما مالىمەتىنە سىلتەمە جاساپ.
«جەدەل ىزدەستىرۋ شارالارى بارىسىندا بۇل ءونىمدى زاڭسىز وندىرگەن تۇلعالار ۇستالىپ، كاسىپورىن كەڭسەسى مەن وندىرىستىك سەحى انىقتالدى. ىزدەستىرۋ شارالارى ناتيجەسىندە ءارقايسىنىڭ سىيىمدىلىعى 5 ليترلىك 300-دەن اسا بوتەلكە تابىلىپ، تاركىلەندى. زاڭسىز وندىرىلگەن جانە وتكىزىلگەن كونترافاكتىلىك «سەپتوحيم» ماركالى دەزينفەكسيا زاتىنان كەلتىرىلگەن ماتەريالدىق زالال سوماسى 20 ميلليون تەڭگەدەن اسادى»، - دەلىنگەن حابارلامادا.