75 جىل بۇرىن حالىقارالىق ارحيۆتەر كەڭەسى دۇنيەگە كەلگەن. ارحيۆتەر كەڭەسى بۇكىل الەمنىڭ ارحيۆ مەكەمەلەرى مەن تاجىريبەشىل ارحيۆشىلەرىن ءبىر ورتاعا بىرىكتىرىپ، بۇكىل ادامزاتتىڭ ارحيۆتىك مۇراسىن ساقتاۋعا جاردەمدەسىپ وتىرعان حالىقارالىق ورگان.
وسى ۇيىمنىڭ قۇرىلۋىنا وراي 9 ماۋسىم - حالىقارالىق ارحيۆشىلەر كۇنى اتانعان بولاتىن. جازعى مەكتەپتى قورىتىندىلاۋ راسىمىندە قازاقستان رەسپۋبليكاسى پرەزيدەنتى ءارحيۆىنىڭ ديرەكتورى ءا.ق. مۇستافينا جاس ارحيۆشىلەرگە بۇگىنگى العان جاڭا بىلىمدەرى مەن الماسقان تاجىريبەلەرىن ارحيۆ ىسىندە شەبەرلىكپەن قولداناسىزدار دەپ سەنىم ءبىلدىرىپ، بۇدان ارعى جۇمىستارىنا ساتتىلىك تىلەدى.
سونداي-اق ول ءوز سوزىندە حالىقارالىق ارحيۆتەر كەڭەسى ارحيۆ ءىسى مەن قۇجاتتاردى باسقارۋدىڭ كاسىبي ماسەلەلەرى بويىنشا تاجىريبەلەرىمەن، زەرتتەۋلەرىمەن جانە يدەيالارىمەن بارلىق وركەنيەتتى ەلدەردىڭ ارحيۆشىلەرىنە تالىمگەرلىك باعىت بەرىپ كەلەدى.
الەمنىڭ ارحيۆتەرىن جەتىلدىرۋ مەن ۇدەمەلى ءوسىرۋدىڭ ءارقاشان باستاماشىسى جانە حالىقارالىق يننوۆاسيالىق جوبالاردى ەنگىزۋدىڭ باستى ينتەگراتورى بولىپ كەلگەن ءىسا ۇيىمىنىڭ مارتەبەسى ارحيۆشىلەر ءۇشىن ءارقاشان ەرەكشە بولىپ قالا بەرەتىنىن ايتىپ ءوتتى. وسى دۇنيەجۇزىلىك ارحيۆشىلەر كۇنى مەرەكەسىنىڭ قابىلدانۋىنا سەبەپكەر بولعان ءىسا ۇجىمىنا شىعارماشىلىق تابىستار تىلەپ، جىلى لەبىزىن ءبىلدىردى.