ۇرلىق بويىنشا قىلمىستىق ءىس قوزعالدى.
ىشكى ىستەر مينيسترلىگىنىڭ مالىمەتىنە قاراعاندا، ءۇش جىلدان بەرى استىق ۇرلاۋعا قاتىستى 17 فاكت تىركەلگەن، دەپ حابارلايدى Almaty-akshamy.kz
استىق ۇرلاۋدىڭ كەسىرىنەن بيۋدجەتتىڭ اقشاسى 10، 3 ملن تەڭگە شىعىنعا ۇشىراعان. ءقازىر تەرگەپ-تەكسەرۋدىڭ ناتيجەسىندە بيۋدجەتكە ۇرلانعان اقشانىڭ 74 پايىزى نەمەسە 7،7 ملن تەنگەسى قايتارىلعان. بۇل قىلمىس ءۇش جىلدان بەرى جاسالعان. مىسالى، 2021 جىلى استىق ۇرلاۋعا قاتىستى 10 قىلمىستىق ءىس اشىلسا، 2022 جىلى 7 قىلمىستىق ءىس تىركەلگەن. ايتا كەتەتىن ءبىر نارسە، 2019-2020 جىلدارى مۇنداي قىلمىستار بولماعان. دالىرەك ايتساق، تىركەلمەگەن.
ىشكى ىستەر مينيسترلىگىنىڭ حابارلاۋىنشا، ءقازىر 14 قىلمىستىق ءىس سوتقا جىبەرىلگەن. ءبىر ءىس تاراپتاردىڭ كەلىسىمى بويىنشا جابىلعان. ەكى ءىس ءالى اشىلماي كەلەدى.
قىلمىس جامبىل (7)، قاراعاندى، تۇركىستان (ەكەۋىندە ءتورت قىلمىس) مەن قوستاناي وبلىستارىندا جاسالعان.