ونى قۇرلىقتاعى Homo sapiensء-تىڭ العاشقى وكىلدەرى قولدانعان
عالىمدار مامونت سۇيەگىنەن جاسالعان القانىڭ جاسىن انىقتادى. پولشانىڭ ستاينيا ۇڭگىرىنەن تابىلعان اشەكەيگە 41500 جىل بولعان، دەپ حابارلايدى Almaty-akshamy.kz.
بۇگىندە بۇل ەۋرازيا ايماعىندا ادامدار جاساعان ساندىك ونەردىڭ ەڭ كونە تۋىندىسى بولىپ وتىر. زەرتتەۋ ناتيجەلەرى Scientific Reports جۋرنالىندا جاريالاندى.
قازىرگى ادامدار ورتالىق جانە باتىس ەۋروپاعا شامامەن 42 000 جىل بۇرىن قونىس اۋدارا باستاعان. مامونت سۇيەكتەرىنەن جاسالعان گەومەتريالىق ويۋ-ورنەكتەرى بار ارتەفاكتىلەردىڭ ەڭ ەرتە تابىلۋى شامامەن سول ۋاقىتتان باستالادى. الايدا، وسى كۇنگە دەيىن بۇلاردى اشەكەي بۇيىمعا جاتقىزۋدا قيىندىقتار تۋىنداعان جانە ولاردىڭ ناقتى قاي كەزدە پايدا بولعانىن انىقتاۋ تۇرعىسىندا ماسەلەلەر بولدى.
گەرمانياداعى ماكس پلانكا ەۆوليۋسيالىق انتروپولوگيا ينتستيتۋتى، يتاليانىڭ بولون ۋنيۆەرسيتەتى، پولشانىڭ ۆروسلاۆسك ۋنيۆەرسيتەتىنىڭ عالىمدارى مەن پولشا عىلىم اكادەمياسى 2010 جىلى ستاينيا ۇڭگىرىندە تابىلعان شاعىن بۇيىم مامونت سۇيەگىنەن جاسالعان ەۋرازيا اۋماعىنداعى العاشقى اشەكەي بۇيىم دەگەنگە دالەل كەلتىردى. ونى قۇرلىقتاعى Homo sapiensء-تىڭ العاشقى وكىلدەرى قولدانعان كورىنەدى.