بيىلعى ون ايدىڭ قورىتىندىسى بويىنشا ءجىو ءوسىمى 3،5%-عا دەيىن جەدەلدەدى
ق ر پرەمەر-مينيسترى اسقار مامين «استانا» حالىقارالىق قارجى ورتالىعىنىڭ الاڭىندا ءىرى شەتەلدىك ينۆەستورلار – «Blackrock»، «Capital Group»، «Aberdeen Asset Management»، «Sands Capital»، «Luxor Capital» جانە «Lugard Road Capital» وكىلدەرىمەن كەزدەستى، دەپ حابارلايدى Almaty-akshamy.kz ۇكىمەت باسشىسىنىڭ رەسمي سايتىنا سىلتەمە جاساپ.
قازاقستاننىڭ ينۆەستيسيالىق مۇمكىندىكتەرى جانە ەل مەن ايماقتا شەتەل كاپيتالىنىڭ بولۋىن كەڭەيتۋ پەرسپەكتيۆالارى تالقىلاندى. «استانا» حالىقارالىق قارجى ورتالىعىنىڭ وڭىرگە قاجەتتى بىرەگەي ينفراقۇرىلىمىنا ەرەكشە نازار اۋدارىلدى.
ۇكىمەت باسشىسى ەكونوميكانىڭ سەنىمدى قالپىنا كەلۋ سەرپىنى اياسىندا قازاقستاننىڭ ينۆەستيسيالىق تارتىمدىلىعىنىڭ ارتىپ كەلە جاتقانىن اتاپ ءوتتى. بيىلعى ون ايدىڭ قورىتىندىسى بويىنشا ءجىو ءوسىمى 3،5%-عا دەيىن جەدەلدەدى. قالپىنا كەلۋدىڭ نەعۇرلىم جوعارى قارقىنىنا قۇرىلىستا (+7،6%)، وڭدەۋ ونەركاسىبىندە (+5،3%) جانە قىزمەت كورسەتۋ سالاسىندا (+3،4%) قول جەتكىزىلدى. ەكونوميكانىڭ بەلسەندى قالپىنا كەلۋى اياسىندا تىكەلەي شەتەلدىك ينۆەستيسيالار اعىنىنىڭ ءوسۋى بايقالادى. ماسەلەن، 2021 جىلدىڭ ءى جارتىجىلدىعىنىڭ قورىتىندىسى بويىنشا ق ر ەكونوميكاسىنا سالىنعان تشي كولەمى 30،4%-عا ۇلعايدى جانە $11،1 ملرد قۇرادى. بيىلعى جىلدىڭ 10 ايىندا قارجى سەكتورىنا سالىنعان ينۆەستيسيالار كولەمى 12،1%-عا ءوستى. شەتەلدىك كومپانيالاردىڭ وكىلدەرى شەتەلدىك ينۆەستورلار ءۇشىن جاعىمدى سيگنالداردىڭ ءبىرى 2020 جىلى لوندون قور بيرجاسى (LSE) مەن AءىX-تەگى Kaspi.kz تابىستى IPO-سى بولعانىن اتاپ ءوتتى. بۇل رەتتە، وزەكتى جاھاندىق ترەندتەردى ەسكەرە وتىرىپ، شەتەلدىك كاپيتالدىڭ ESG-قاعيداتتارىن ەنگىزۋگە جانە دەكاربونيزاسيالاۋعا باعدارلانعانى ەرەكشە اتاپ ءوتىلدى.
سونداي-اق ق ر مەملەكەتتىك اكتيۆتەرىن جەكەشەلەندىرۋ باعدارلاماسىن ىسكە اسىرۋ پەرسپەكتيۆالارى قارالدى. كەزدەسۋگە ەۋروپانىڭ دامۋشى نارىقتارى ءبولىمىنىڭ جەتەكشىسى جانە «Blackrock» كومپانياسىنىڭ اعا پورتفەلدىك مەنەدجەرى كريس كولۋنگا، «Capital Group» كومپانياسىنىڭ اعا پورتفەلدىك مەنەدجەرى ارتۋر كەي، «Aberdeen Asset Management» كومپانياسىنىڭ جەتەكشى پورتفەلدىك مەنەدجەرى ادام مونتانارو، «Sands Capital» كومپانياسىنىڭ پورتفەلدىك مەنەدجەرى تيدجا بويە، «Luxor Capital» كومپانياسىنىڭ پرەزيدەنتى دۋگلاس سنايدەر جانە «Lugard Road Capital» كومپانياسىنىڭ باسقارۋشى سەرىكتەسى دۋگلاس فريدمان قاتىستى. قازاقستان تاراپىنان كەلىسسوزدەرگە ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى – احقو باسقارۋشىسى قايرات كەلىمبەتوۆ، ەنەرگەتيكا ءمينيسترى ماعزۇم مىرزاعالييەۆ، سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين، «سامۇرىق-قازىنا» اق باسقارما ءتوراعاسى الماسادام ساتقالييەۆ جانە ت. ب. قاتىستى.