الماتىدا ق ر تاۋەلسىزدىگىنىڭ 30 جىلدىعى اياسىندا ب ا ق اراسىنداعى بايقاۋ قورىتىندىلاندى
بۇگىن الماتىدا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان بۇقارالىق اقپارات قۇرالدارى وكىلدەرى اراسىنداعى بايقاۋدىڭ قورىتىندىسى شىعارىلدى، دەپ حابارلايدى Almaty-akshamy.kz.
الماتى قالاسى اكىمىنىڭ ورىنباسارى ەرجان باباقۇماروۆ ءىس-شارانى اشا وتىرىپ، الماتىدا ەل بويىنشا ەڭ ۇلكەن جۋرناليستىك پۋلدىڭ بار ەكەنىن اتاپ ءوتتى. جاڭالىقتاردىڭ ۇلكەن سانى مەگاپوليستە جاسالادى، ال ماڭىزدى بولىگى — قالا جاڭالىقتارى.
«ءبىزدىڭ بايقاۋىمىزدىڭ باستى تاقىرىبى – الماتىنىڭ جەتىستىكتەرى، وسى 30 جىل ىشىندە قانداي بولدى. الماتى اۋماعى جاعىنان عانا ەمەس، ساپاسى جاعىنان دا ءوستى. بىزدە ەڭ دارىندى ادامدار، ەڭ دامىعان بيزنەس سەكتور، بىزدە جاستار قالاسى، جوعارى وقۋ ورىندارىنىڭ قالاسى، ەكونوميكا قارقىندى دامىپ كەلە جاتقان قالا بار. جالپى ەل ومىرىڭدەگى ءاربىر بەلەس سىزدەردىڭ نازارلارىڭىزدان قالعان ەمەس. قالام مەن ميكروفوننىڭ قۇدىرەتى حالقىمىزدى تىڭ بەلەستەرگە جەتەلەۋدە. قيىن سىن جىلدارىندا جاعدايدىڭ كۇردەلى ەكەنىن سەزىنۋمەن قاتار ادامدارعا قيىندىقتان شىعۋ جولدارىن ءتۇسىندىردىڭىز»، - دەپ اتاپ ءوتتى ەرجان باباقۇماروۆ ب ا ق وكىلدەرىن كەلە جاتقان تاۋەلسىزدىك كۇنىمەن قۇتتىقتاپ، قالا تۇرعىندارىنىڭ ءومىر ءسۇرۋ ساپاسىن جاقسارتۋ بويىنشا الماتى اكىمدىگىنىڭ جۇمىسىن تۇسىندىرۋگە جانە جاريالاۋعا قوسقان ۇلەسى ءۇشىن العىسىن ءبىلدىردى.
الماتى اكىمدىگى بۇكىل جۋرناليستىك كورپۋستى قالانىڭ دامۋى مەن قالىپتاسۋىنداعى ناقتى سەرىكتەس رەتىندە قاراستىرادى. اكىمدىك جىل باسىنان بەرى 300-دەن استام باسپا ءسوز كونفەرەنسياسىن وتكىزدى. سپيكەرلەرگە 3 مىڭعا جۋىق سۇراق قويىلدى. بارلىعى بىرلەسكەن جۇمىستىڭ ارقاسىندا باق-تا 8،5 مىڭعا جۋىق ماتەريال جانە 350-دەن استام سيۋجەت جاريالاندى.
ساراپشىلار كوميسسياسى الماتىلىقتار مەن قالانىڭ ەلىمىزدىڭ جالپى دامۋىنا قوسقان ۇلەسىن باياندايتىن جۋرناليستەردىڭ جۇمىسىن اتاپ ءوتتى. كوميسسيا توراعاسى-پروفەسسور، اكادەميك، جۋرناليستيكا اكادەمياسىنىڭ پرەزيدەنتى ساعىمباي قوزىبايەۆ.
«باس اۋىرعاندا – دارىگەرگە قارالامىن. جان اۋىرعان كەزدە جۋرناليستكە جۇگىنەمىن». كەز-كەلگەن ۋاقىتتا، كەز-كەلگەن اۋا-رايىندا ادامنىڭ شاقىرۋىنا باراتىن، قۋانىشتى نەمەسە نەمەسە اششى شىندىقتىڭ ادامعا اسەرى زور. تەك بارىنشا ادال ءارى ءادىل، جۇرەگى كەڭ جۋرناليست قانا ادامنىڭ باسىنداعى قايعى مەن قۋانىشتى شىنايى سەزىنە الادى. بۇلار ناعىز جۋرناليستەر»، - دەدى ساعىمباي قوزىبايەۆ.
الماتى قالاسى سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتى باسشىسىنىڭ ءبىرىنشى ورىنباسارى دانيار تاۋمۇرات ماراپاتتاردى تابىس ەتە وتىرىپ، بۇقارالىق اقپارات قۇرالدارىنىڭ الماتى حالقىندا سىبايلاس جەمقورلىققا قارسى مادەنيەتتى قالىپتاستىرۋداعى ەرەكشە ماڭىزدىلىعىن اتاپ ءوتتى. بۇل جۇمىستا ازاماتتىق سەكتورمەن، ۇەۇ-مەن، باق-پەن ءوزارا ءىس-قيمىل جاساۋ ماڭىزدى.
كونكۋرستىق ساراپتاۋ كوميسسياسىنىڭ قۇرامىنا قازاقستان جۋرناليستيكاسىنىڭ اكادەميگى ۆالەريي جانداۋلەتوۆ، قوعامدىق كەڭەستىڭ مۇشەسى، تاۋەلسىز جۋرناليست سەرگەي پونوماريەۆ، قوعامدىق دامۋ باسقارماسىنىڭ باسشىسى دياس ەسداۋلەتوۆ كىردى.
بايقاۋ قورىتىندىسى بويىنشا باق-تىڭ 20 وكىلىنىڭ جۇمىسى اتاپ ءوتىلدى:
1. «قازاقستان رەسپۋبليكاسى تاۋەلسىزدىگىنىڭ قالىپتاسۋى مەن نىعايۋىنداعى الماتى مەن الماتىلىقتاردىڭ جەتىستىكتەرى مەن ءرولى» نوميناسياسىندا:
- ۇزدىك رەپورتاج / سيۋجەت: «Atameken Business» ارناسى - ءامينا ابدراحمانوۆا؛ «31 ارنا»، «ينفورمبيۋرو» باعدارلاماسى ءومىر انۋاربەك؛
- ۇزدىك جاڭالىق / ساراپتامالىق ماتەريال: «ليتەر» گازەتى - وكسانا لىسەنكو؛ «ەگەمەن قازاقستان» گازەتى - ارمان وكتيابر؛ «الماتى اقشامى» گازەتى - ولجاس جولدىبايەۆ؛
- ۇزدىك فوتوماتەريال: «قازاقپارات» حاا - الەكساندر پاۆسكيي، گۇلزات ساحوۆا؛ Kazgazeta.kz - دوسجان بالابەك ۇلى؛
2. الماتى قالاسىنىڭ COVID-19 قارسى كۇرەسى جانە حالىقتى ۆاكسيناسيالاۋ تۋرالى ۇزدىك ماتەريال: Tengrinews.kz - ايناش ءوندىرىس؛ Zakon.kz - اننا تۋمانوۆا؛ «قازاقپارات» حاا - دانيار داۋىتالييەۆ؛ NUR.KZ - يۋليا ابراموۆا؛ «مەنىڭ قالام» - يننا بۋگايەۆا؛ Qazaqstan.tv - جازيرا وراز قىزى.
3. الماتىداعى الەۋمەتتىك ينفراقۇرىلىمدى دامىتۋ جانە اباتتاندىرۋ سالاسىنداعى وزگەرىستەرگە ارنالعان ۇزدىك ماتەريال: LS - بەكزادا يشەكەنوۆا، «ۆەچەرنيي الماتى» گازەتى - قايرات قونىسپايەۆ؛ «ۆرەميا» گازەتى - ءمادينا ايىمبەتوۆا؛ ەۋرازيا ءبىرىنشى ارناسى - جانار قانافينا؛ «ەگەمەن قازاقستان» گازەتى - ايناش ەسالى.
3. الماتىدا سىبايلاس جەمقورلىققا قارسى مادەنيەتتى قالىپتاستىرۋعا باعىتتالعان قىزمەتتى جاريالاۋعا قوسقان ۇلەسى ءۇشىن: Inbusiness - قايرات شايحييەۆ؛ «الماتى» ارناسى - المات ءابدىرامان.
ەسكە سالساق، سوڭعى 10 جىلدا الماتى قالاسىنىڭ اۋماعى ەكى ەسەگە ارتتى. تاۋەلسىزدىك جىلدارىندا الماتى حالقى 1،8 ەسە ءوستى، ءقازىر قالادا 2 ميلليوننان استام ادام تۇرادى. جۇمىس ىستەپ تۇرعان كاسىپكەرلىك سۋبەكتىلەرىنىڭ سانى 140 ەسەدەن استام ۇلعايدى. جۇيەلى جۇمىستىڭ ارقاسىندا مەكتەپكە دەيىنگى ءبىلىم بەرۋ نىساندارىنىڭ سانى 2،2 ەسەگە، مەكتەپتەر سانى 1،6 ەسەگە ءوستى. كوللەدجدەر سانى 3 ەسەگە، جوو-لار سانى 2،4 ەسەگە ۇلعايدى. تاۋەلسىزدىك جىلدارىندا قالا تۇرعىندارىنىڭ ءومىر ءسۇرۋ ۇزاقتىعى 74 جاسقا دەيىن ءوستى. حالىقتىڭ قاجەتتىلىگىن ەسكەرە وتىرىپ، دەنساۋلىق ساقتاۋ ۇيىمدارىنىڭ سانى 30 جىلدا 1،5 ەسەگە ارتتى.