الماتى مەن روساريو قالالارى اراسىنداعى باۋىرلاستىق
قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ شەڭبەرىندە قازاقستاننىڭ برازيلياداعى ەلشىسى جانە ارگەنتينادا قوسا اتقارۋشى بولات ءنۇسىپوۆ قازاق اقىنى، ويشىلى جانە ۇلتتىق ادەبيەتتىڭ نەگىزىن قالاۋشى اباي قۇنانباي ۇلى اتىنداعى كوشەنىڭ، سونداي-اق ارگەنتينانىڭ روساريو قالاسىنداعى «قازاقستان رەسپۋبليكاسى» الاڭىنىڭ رەسمي اشىلۋ راسىمىنە قاتىستى، دەپ حابارلايدى Almaty-akshamy.kz ءسىم باسپا ءسوز قىزمەتىنە سىلتەمە جاساپ.
ءوز سوزىندە ەلشى بولات ءنۇسىپوۆ ەل باسشىلىعىنىڭ ۇلتتىق سانا-سەزىمدى، وزىندىك مادەني كودتى ساقتاۋ جانە مادەني جەتىستىكتەردى، ونىڭ ىشىندە شەتەلدە ىلگەرىلەتۋ جونىندەگى باستامالارىن ىسكە اسىرۋدىڭ ماڭىزدىلىعىن اتاپ ءوتتى. سونىمەن قاتار، قازاقستان پرەزيدەنتى قاسىم-جومارت توقايەۆتىڭ «اباي جانە ءححى عاسىرداعى قازاقستان» جانە «اباي – رۋحاني رەفورماتور» ماقالالارى اياسىندا ابايدىڭ قازاق مادەنيەتىن دامىتۋداعى ءرولى مەن ونىڭ مۇراسىنىڭ قازىرگى قوعام ءۇشىن ماڭىزدىلىعى ەرەكشە اتاپ ءوتىلدى.
ءوز كەزەگىندە، قازاقستاننىڭ روساريوداعى قۇرمەتتى كونسۋلى گۋستاۆو گۋتيەرەس قازاقستان حالقىنىڭ اباي تۇلعاسىنا بەرەتىن زور ماڭىزىن اتاپ ءوتىپ، ابايدىڭ الەمدىك مادەنيەت ءۇشىن شەكسپير، گوتە، پۋشكين نەمەسە مولەر سياقتى قۇندىلىعى بار ەكەنىن اتاپ ءوتتى. وسىعان بايلانىستى گ.گۋتيەرەس اباي كوشەسىنىڭ اشىلۋى ارگەنتينالىقتارعا قازاق حالقىنىڭ تاريحى مەن سالت-داستۇرلەرىمەن تانىسۋعا قوسىمشا مۇمكىندىك بەرەتىنىن اتاپ ءوتتى.
ءىس-شارالار 2019 جىلعى قاراشادا قول قويىلعان مەموراندۋممەن بەلگىلەنگەن الماتى مەن روساريو قالالارى اراسىنداعى باۋىرلاستىق قاتىناستار شەڭبەرىندە ءوتتى.