دارىگەر تەلەديداردى كوپ كورۋدىڭ قانداي ءقاۋپى بارىن ايتتى
امەريكالىق عالىمدار زەرتتەۋ جۇرگىزىپ، تەلەديدار الدىنان شىقپايتىن ادامداردىڭ دەنساۋلىعىنا نەندەي ءقاۋىپ ءتونىپ تۇرعانىن انىقتادى، دەپ حابارلايدى Almaty-akshamy.kz Sputnik قازاقستانعا سىلتەمە جاساپ.
تەلەديداردى تىم ءجيى كورۋ ميداعى سۇر زات كولەمىنىڭ تومەندەۋىنە بايلانىستى كوگنيتيۆتىك قۇلدىراۋ مەن ويلاۋ قابىلەتىنىڭ تومەندەۋىنە اكەلۋى مۇمكىن. بۇل تۋرالى كولۋمبيا ۋنيۆەرسيتەتىنىڭ يرۆينگا مەديسينا ورتالىعىنىڭ نيەۆرولوگى پريا پالتاعا سىلتەمە جاساپ Eat this، Not That! باسىلىمى جازدى.
«از قوزعالاتىن ءومىر سالتىنىڭ ءبىر بەلگىسى سانالاتىن تەلەديداردى تىم ءجيى كورۋ ميدىڭ كوگنيتيۆتىك قابىلەتىنىڭ تومەندەۋىنە تىكەلەي بايلانىستى بولۋى مۇمكىن. مۇنى ءبىز جۇرگىزگەن زەرتتەۋ ناتيجەسى كورسەتتى»، – دەيدى ساراپشى.
تەز قارتايۋعا اسەر ەتەتىن ەكىنشى فاكتور – ينتەرنەتتى ءجيى جانە ۇزاق پايدالانۋ. تىم بەلسەندى پايدالانۋشىلار فيزيكالىق بەلسەندىلىكتىڭ جەتىسپەۋشىلىگىنەن زارداپ شەگەدى، سونداي-اق كومپيۋتەر مەن سمارتفون ەكرانىنان بەرىلەتىن جارىقتىڭ زاربادىن كورەدى.
سونداي-اق ماماندار مي مەن تەرىنىڭ قارتايۋىنا تۇراقسىز ۇيقى رەجيمى، كۇيزەلىسكە ءتۇسۋ اسەر ەتەدى دەپ سانايدى. يەل ۋنيۆەرسيتەتىنىڭ زەرتتەۋىنە سايكەس، ەموسيانى دۇرىس كورسەتۋگە كومەكتەسەتىن جاتتىعۋلارعا قاتىسقانداردىڭ باياۋ قارتاياتىنى انىقتالعان.