«اۋىل» پارتياسىنىڭ الماتى قالاسى فيليالى «دۇنيەجۇزىلىك قارتتار كۇنى» مەرەكەسىنە وراي ءىس-شارا ۇيىمداستىردى.
بۇل مەرەكەلىك باسقوسۋدا پارتيا ارداگەرلەرىنە دەگەن قۇرمەت كورسەتىلدى، دەپ حابارلايدى Aqshamnews.kz.
پارتيانىڭ بۇگىنگى جەتىستىگى مەن قالىپتاسۋ جولىنداعى تابىستارى، اعا بۋىننىڭ ەڭبەگى مەن تاجىريبەسىنىڭ ارقاسىندا. سوندىقتان ارداگەرلەردى قۇرمەتتەۋ – ۇرپاقتار ساباقتاستىعىن ساقتاۋدىڭ ماڭىزدى بولىگى.
ءىس-شارا بارىسىندا پارتيا مۇشەلەرىنە ارنايى قۇتتىقتاۋلار ايتىلىپ، ولاردىڭ ومىرلىك تاجىريبەسى مەن ەل دامۋىنا قوسقان ۇلەستەرى جوعارى باعالاندى. كەزدەسۋدە، قازىرگى زاماناۋي ۇردىستەرگە ساي، ارداگەرلەرگە جاساندى ينتەللەكت مۇمكىندىكتەرى جايلى شاعىن تانىمدىق ءدارىس وتكىزىلىپ، تۇڭعىش قازاق تىلىندە شىعارىلعان جاساندى ينتەللەكتى پايدالانۋ جولدارىن كورسەتەتىن كىتاپتىڭ اۆتورى مەيىرجان اۋەلحان ۇلى ءوزى تابىس ەتتى. بۇل ارداگەرلەردىڭ جاڭا تەحنولوگيالاردان شەت قالماۋىنا، كۇندەلىكتى ومىردە پايدالى اقپاراتتاردى پايدالانۋىنا جول اشادى.
سونىمەن قاتار ارداگەرلەردى پارتيانىڭ 25 جىلدىق مەرەيتويىنا وراي شىعارىلعان مەدالدار مەن ەستەلىك سىيلىقتار تابىستالدى. بۇل ماراپاتتار ولاردىڭ كوپ جىلعى ەڭبەگىن مويىنداپ قانا قويماي، جاس بۋىنعا ۇلگى بولارلىق ونەگە ەكەنىن تاعى ءبىر مارتە كورسەتتى.
جىلى اتموسفەرادا وتكەن باسقوسۋ ارداگەرلەردىڭ كوڭىلىن كوتەرىپ، قۋانىش سىيلادى. ءوز كەزەگىندە پارتيا مۇشەلەرى العىستارىن ءبىلدىرىپ، «اۋىل» پارتياسىنىڭ ەل بولاشاعىنا دەگەن ايقىن باعىتى مەن حالىققا جاساپ جاتقان قىزمەتىنە جوعارى باعا بەردى.