الماتىنىڭ ورتالىق ستاديونىندا فۋتبول كلۋبتارى «قايرات» پەن «رەال مادريد» اراسىندا تاريحي ماچ ءوتىپ جاتىر. ويىنعا جانكۇيەرلەردىڭ زور قىزىعۋشىلىعىن ەسكەرە وتىرىپ، الماتى اكىمدىگى قالا تۇرعىندارى مەن قوناقتارىنا ۇندەۋ جاسايدى.
قاۋىپسىزدىكتى قامتاماسىز ەتۋ جانە بيلەتى جوق جانكۇيەرلەردىڭ جاپپاي جينالۋىنا جول بەرمەۋ ماقساتىندا ستاديوننىڭ كىرەبەرىسىندە جانە وعان ىرگەلەس اۋماقتاردا جينالماۋدى سۇرايدى. ابىلاي حان داڭعىلى مەن ساتبايەۆ كوشەسىندە ادامداردىڭ كوپتەپ شوعىرلانۋى كەپتەلىس جانە قوعامدىق ءتارتىپتىڭ بۇزىلۋىنا اكەلۋى مۇمكىن.
اكىمدىك جانكۇيەرلەردىڭ سۇيىكتى كومانداسىن جايلى جاعدايدا قولداۋعا بولاتىنىن اتاپ وتەدى: ۇيدە وتباسىمەن بىرگە نەمەسە قالاداعى ويىننىڭ تىكەلەي كورسەتىلىمى ۇيىمداستىرىلعان ورىنداردا.
الماتى اكىمدىگى تۇسىنىستىك پەن جاۋاپكەرشىلىك تانىتقانى ءۇشىن جانكۇيەرلەرگە العىس بىلدىرەدى جانە بۇگىنگى ماچ بارلىق جانكۇيەر ءۇشىن ناعىز فۋتبول مەرەكەسىنە اينالۋى ءتيىس ەكەنىن ەرەكشە اتاپ وتەدى.