ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا بيىل ەكىنشى دۇنيەجۇزىلىك سوعىس ارداگەرلەرىنە ءتيىستى تولەم اۋدارىلاتىنىن ايتتى.
ونىڭ ايتۋىنشا، قازىرگى كەزدە ەلىمىزدە 237 ارداگەر بار، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىن تاڭەرتەڭ عانا وسى مالىمەتتەردى شولىپ شىقتىم، 237 ادام بار. ولارعا 9 مامىردا ءتيىستى ماتەريالدىق تولەمدەر بارلىق وبلىستا اۋدارىلادى. اكىمدىكتەردىڭ ۇسىنىسى بويىنشا ارداگەرلەرگە 1،5 ملن تەڭگەدەن كەم ەمەس سومادا قاراجات تولەنەدى»، - دەدى ت. دۇيسەنوۆا ماجىلىستە تىلشىلەر سۇراعىنا جاۋاپ بەرە وتىرىپ.
بۇعان دەيىن حابارلانعانداي، ورالدا جەڭىس كۇنىنە وراي مايدانگەرلەرگە 1،5 ملن تەڭگەدەن بەرىلەدى.
ەسكە سالا كەتەيىك، 2021 جىلى قازاقستاندا ەكىنشى دۇنيەجۇزىلىك سوعىسقا قاتىسقان 665 ارداگەر بار ەدى.