مەدەۋ اۋدانىنا قاراستى «بەلسەندى ءومىر ءسۇرۋ ورتالىعى» ناۋرىز مەرەكەسىن اتاپ ءوتۋدى جالعاستىرۋدا. كوكتەم مەرەكەسىن قالامىزداعى ارداگەرلەر ۇيىمى دا اتاپ ءوتتى. قاريالار قاۋىمى كونسەرتتىك باعدارلاما ۇيىمداستىرىپ، ءبىر-بىرىن ءاز-ناۋرىزدىڭ كەلۋىمەن قۇتتىقتادى.
ناۋرىز مەرەكەسىن قىرىق كۇن بويى اتاپ ءوتۋ ءداستۇرىن مەگاپوليستە بىلتىردان بەرى جاڭعىرتىلۋدا. عاسىردان جالعاسقان ادەت-عۇرىپتى اقساقالدارىمىز جاستارعا ۇلگى ەتىپ ناسيحاتتاۋدا. ناۋرىز مەرەكەسىن ءساۋىر ايىندا اتاپ وتكەن ولار كونسەرتتىك باعدارلاما ۇيىمداستىرىپ، بارشانى جاڭارۋ مەن جاڭعىرۋ مەرەكەسىمەن قۇتتىقتادى.
جالپى، بۇگىنگى تاڭدا كلۋبتىڭ 100-گە جۋىق مۇشەسى بار. قاريالار بۇل ۇيىمدا بوس ۋاقىتىن ءتيىمدى وتكىزىپ، جاس ۇرپاقتىڭ تاربيەسىنە اتسالىسادى.
كونسەرت كەزىندە قاريالار ونەر كورسەتىپ، اننەن شاشۋ شاشتى. ناۋرىز مەرەكەسىن وسىلايشا ارداگەرلەر دۇركىرەتىپ اتاپ ءوتتى.