كورشى ەل ساۋىر-شىلدە ارالىعىندا قازاقستاننان 100 مىڭ توننا بيداي ساتىپ الۋدى جوسپارلاعان.
وزبەكستان بيلىگى مەملەكەتتىك رەزەرۆكە سىرتقى نارىقتان 600 مىڭ توننا بيداي ساتىپ الماق، دەپ حابارلايدى Almaty-akshamy.kz ءىnbusiness.kz-كە سىلتەمە جاساپ.
وزبەكستان ۇكىمەتى جاريالاعان قاۋلىدا بيلىك مەملەكەتتىك رەزەرۆكە سىرتقى نارىقتان 600 مىڭ توننا بيداي ساتىپ الۋعا نيەتتى ەكەنى جازىلعان. ونىڭ ىشىندە بيىل ساۋىر-شىلدەدە قازاقستاننان 100 مىڭ توننا بيداي ساتىپ الۋ جوسپارى كورسەتىلگەن.
«ۇسىنىس ماقۇلدانسىن... ساۋىر-شىلدەدە قازاقستاننان ءۇشىنشى سۇرىپتى 100 مىڭ توننا بيداي (وسى كولەمنىڭ ءبىر بولىگى — ۇن) قولايلى باعامەن يمپورتتاۋ»، - دەپ جازىلعان lex.uz ۇلتتىق زاڭناما بازاسىنىڭ سايتىندا جاريالانعان قۇجاتتا.
قۇجاتقا وزبەكستان مينيسترلەر كابينەتى جانىنداعى مەملەكەتتىك رەزەرۆتەردى باسقارۋ كوميتەتى مەن قازاقستاننىڭ ازىق-تۇلىك كەلىسىمشارت كورپوراسياسى قول قويادى دەپ جوسپارلانىپ وتىر.