ۇلى جەڭىس كۇنى قارساڭىندا «Amanat» پارتياسىنىڭ بوستاندىق اۋداندىق فيليالى مەن الماتى قالالىق ءماسليحاتىنىڭ دەپۋتاتى جاندوس ناديروۆ 101 جاستاعى ارداگەر ولگا اندرەيەۆنا ساۆەنكوعا ارنايى بارىپ، جەڭىس كۇنىمەن قۇتتىقتادى، دەپ حابارلايدى aqshamnews.kz.
ولگا ساۆەنكو 1923 جىلى 9 مامىردا الماتىدا دۇنيەگە كەلگەن. 18 جاسىندا لەنينگرادتاعى اسكەري بايلانىس ۋچيليششەسىن اياقتاپ، مايدان دالاسىنا اتتانىپ، 109-جەكە بايلانىس پولكى قۇرامىندا بەرلينگە دەيىن جەتكەن. سوعىستان كەيىن تۋعان قالاسىنا ورالىپ، تەلەگراف سالاسىندا 57 جىل ەڭبەك ەتكەن. بۇگىندە عاسىردان اسقان ارداگەر ەلىمىزدىڭ بەيبىت ءومىرىن ماقتانىشپەن ايتىپ، ەلگە دەگەن سۇيىسپەنشىلىگىن تەبىرەنىسپەن جەتكىزدى.
ارداگەرگە ارنايى سىيلىقتار تابىستالىپ، جىلى لەبىزدەر مەن العىس سوزدەر ايتىلدى. بۇل – ەرلىكتىڭ ەشقاشان ۇمىتىلمايتىنىن، تاريحقا دەگەن قۇرمەتتىڭ ۇرپاق جادىندا ساقتالاتىنىن ايعاقتايدى.
ايتا كەتەيىك، الماتى قالالىق ءماسليحاتىنىڭ سوڭعى سەسسياسىندا دەپۋتات جاندوس ناديروۆ ۇلى جەڭىستىڭ 80 جىلدىعىنا وراي ارداگەرلەرگە 5 ملن تەڭگەگە دەيىن ءبىرجولعى تولەم جاساۋ باستاماسىن قولداپ، ارىپتەستەرىن دە وسى يگى ىسكە ءۇن قوستى.