«Almaty Polytechnic College» كمقك بازاسىندا ماڭىزدى قالالىق ءىس-شارا – «وندىرىستىك وقىتۋدى ترانسفورماسيالاۋ: يننوۆاسيالار، سىن-تەگەۋرىندەر جانە دامۋ پەرسپەكتيۆالارى» اتتى كونفەرەنسيا ءوتتى.
جۇمىسشى ماماندىقتارى جىلى اياسىندا ۇيىمداستىرىلعان كونفەرەنسيانىڭ ماقساتى – وندىرىستىك وقىتۋ سالاسىنداعى زاماناۋي ۇردىستەر مەن يننوۆاسيالىق تاسىلدەردى تالقىلاۋ، سونىمەن قاتار سيفرلىق ەكونوميكا تالاپتارىنا ساي بىلىكتى ماماندار دايارلاۋ ساپاسىن ارتتىرۋ بويىنشا ۇسىنىستار ازىرلەۋ.
ءىس-شاراعا الماتى قالاسىنىڭ كوللەدج وكىلدەرى، وقۋ-وندىرىستىك جۇمىسى جونىندەگى ورىنباسارلار، ادىسكەرلەر، وندىرىستىك وقىتۋ شەبەرلەرى، جۇمىس بەرۋشى كومپانيالار مەن كاسىپورىنداردىڭ وكىلدەرى، سونىمەن قاتار كاسىبي ءبىلىم بەرۋ سالاسىنداعى زەرتتەۋشى-عالىمدار قاتىستى.
كونفەرەنسيا بارىسىندا وندىرىستىك وقىتۋدى جاڭا فورماتقا بەيىمدەۋ، يننوۆاسيالىق ادىستەردى ەنگىزۋ، سيفرلىق تەحنولوگيالاردى ءتيىمدى قولدانۋ، دۋالدى وقىتۋدى كەڭەيتۋ سىندى تاقىرىپتار كوتەرىلىپ، مازمۇندى باياندامالار جاسالدى. پىكىرتالاس الاڭدارىندا قاتىسۋشىلار ءوزارا تاجىريبە الماسىپ، ناقتى شەشىمدەر ۇسىندى.
«بۇگىنگى كۇننىڭ تالابى – يكەمدى، تەحنولوگيانى ەركىن مەڭگەرەتىن، ەڭبەك نارىعىنا تەز بەيىمدەلەتىن مامانداردى دايىنداۋ. ول ءۇشىن وندىرىستىك وقىتۋ مەن كاسىپتىك باعدار بەرۋدىڭ جاڭا مودەلىن قالىپتاستىرۋ قاجەت»، – دەدى ءىس-شارادا ءسوز سويلەگەن كوللەدج ديرەكتورى مەدەت وماربەكوۆ.
كونفەرەنسيا قورىتىندىسىندا كاسىبي ءبىلىم بەرۋدى دامىتۋعا باعىتتالعان ۇسىنىستار مەن باستامالار جيناقتالىپ، ءتيىستى ۇيىمدارعا جولداناتىن بولدى.
وسى تەكتەس ءىس-شارالار بولاشاق مامانداردىڭ ساپالى ءبىلىم الىپ، ەلىمىزدىڭ يندۋستريالىق دامۋىنا ناقتى ۇلەس قوسۋىنا سەرپىن بەرەتىنى ءسوزسىز.