14 مامىردان سوڭ «شىمبۇلاق» تاۋ-شاڭعى كۋرورتىنا تەك ەكو-اۆتوبۋس نەمەسە تاكسيمەن كوتەرىلۋگە بولادى.
بۇل تۋرالى تاۋ-شاڭعى كۋرورتىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
«شىمبۇلاق» تشك باسپا ءسوز قىمزەتى حابارلاعانداي، 15 مامىردان 31 مامىرعا دەيىن – «مەدەۋ-شىمبۇلاق» جانە «كومبي-1» اسپالى جولى، 15 مامىردان 9 شىلدەگە دەيىن – «كومبي-2» اسپالى جولى، 4-كرەسلولى-اسپالى جولى (4-كاج) شتاتتىق رەجيمدە جۇمىس ىستەيتىن بولادى. 14 مامىردان كەيىن شىمبۇلاققا تەك ەكو-اۆتوبۋستارمەن نەمەسە تاكسيلەرمەن كوتەرىلۋگە بولادى.
«جازعى ماۋسىمعا ەسىگىمىزدى اشپاس بۇرىن - ءبىزدىڭ اسپالى جولدارىمىز جىل سايىنعى پروفيلاكتيكالىق جوندەۋدەن ءوتۋى كەرەك. مۇنىڭ ءبارى ءسىز بەن ءبىزدىڭ قاۋىپسىزدىگىمىز ءۇشىن قاجەت. مامىر ايى - جاياۋ سەرۋەندەۋگە جانە تاۋعا شىعۋعا تاماشا ۋاقىت. ءبىز سىزدەردى كۇتەمىز، كۋرورتتا كەزدەسكەنشە»، - دەپ حابارلادى «شىمبۇلاق» تشك باسپا ءسوز قىزمەتى.