بۇگىن بۇقارالىق اقپارات قۇرالدارىندا مەملەكەت باسشىسى قاسىم-جومارت توقايەۆتىڭ قازاقستاندا كونستيتۋسياعا ەنگىزىلەتىن تۇزەتۋلەر جوباسى بويىنشا رەفەرەندۋم وتكىزۋ تۋرالى ۇسىنىسى جارىق كوردى. بۇل تۋرالى سەنات دەپۋتاتى اقمارال ءالنازاروۆا ايتتى، دەپ جازادى Almaty-akshamy.kz baq.kz-كە سىلتەمە جاساپ.
"ادەتتە رەفەرەندۋمدار كوبىنەسە ماڭىزدى زاڭ اكتىسىن، قۇجاتتى، كونستيتۋسياعا تۇزەتۋلەردى قابىلداۋ ءۇشىن وتكىزىلەدى. كونستيتۋسياعا بۇل تۇزەتۋلەر ىرگەلى سيپاتقا يە جانە ەلدىڭ ساياسي جۇيەسىن تۇبەگەيلى وزگەرتەتىن وزگەرىستەر. ءوز باسىم بۇل ۇسىنىستى قۇپتارلىق دەپ كورەم، سەبەبى بۇل رەفەرەندۋم پرەزيدەنتىمىزدىڭ «حالىقتىڭ ۇنىنە قۇلاق اساتىن مەملەكەت» كونسەپسياسىنىڭ جالعاسى رەتىندە سياقتى"، - دەدى ءالنازاروۆا.
دەپۋتات اتاعانداي، ونداعى باستى يدەيا - ازاماتتىڭ مۇددەلەرى باستى ورىنعا شىعارۋ.
"وندا مەملەكەتتىك ورگانداردىڭ ازاماتتارمەن ءوزارا ارەكەتتەسە وتىرىپ، ازاماتتاردىڭ شەشىم قابىلداۋ جانە ولاردىڭ باقىلاۋ پروسەسىنە تارتىلۋىنا مۇمكىندىك بەرەتىن كەدەرگىسىز مەملەكەت قۇرۋ دەپ بىلەمىن. كونستيتۋسياعا تۇزەتۋلەردى رەفەرەندۋم وتكىزۋ ارقىلى ەنگىزۋ، بۇل حالىقتىڭ ەرىك ءبىلدىرۋىنىڭ جارقىن كورىنىسى، سەبەبى ءاربىر ازامات «جاڭا قازاقستاننىڭ» قۇرىلىسىنا قاتىسا الادى"، - دەدى ءالنازاروۆا.