ىشىمدىك ءىشىپ، باسقا ءبىر جولاۋشىعا بالاعات سوزدەر ايتقان
29 قاڭتاردا قوستاناي – الماتى باعىتىنداعى جولاۋشىلار پويىزى قاراعاندى وبلىسىنىڭ اقادىر ستانسياسىندا توقتاپ، پويىز باستىعىنىڭ اكتىسى بويىنشا ىشىمدىككە سىلقيا تويىپ العان ەكى ايەل ءتۇسىرىلىپ، پوليسيا قىزمەتكەرلەرىنە تاپسىرىلدى، دەپ حابارلايدى Almaty-akshamy.kz.
تەكسەرۋ بارىسىندا كولىك پوليسەيلەرى الماتى قالاسى مەن قاراعاندى وبلىسىنىڭ 50 جانە 55 جاستاعى تۇرعىندارىن انىقتادى. ولار پويىز ىشىندە الكوگولدىك ىشىمدىك ءىشىپ، باسقا ءبىر جولاۋشىعا بالاعات سوزدەر ايتقان، وسىلايشا قوعامدىق ءتارتىپتى بۇزعان.
"مەديسينالىق كۋالاندىرۋدىڭ قورىتىندىسىنا سايكەس، ولار “جەڭىل جانە ورتاشا دارەجەلى” ماساڭ كۇيدە بولعان. ءتارتىپ ساقشىلارى قۇقىق بۇزۋشىلارعا قاتىستى اقبتك-نىڭ 440-بابى جانە 434-بابى بويىنشا بىردەن ەكى اكىمشىلىك حاتتاما تولتىرىپ، 5 اەك مولشەرىندە ايىپپۇل سالدى"، - دەدى ق ر ءىىم.
سونداي-اق ماتەريالدار سوتقا جولداندى.
ايتا كەتەيىك، قۇقىق بۇزعان جولاۋشى ايەلدەردىڭ ءبىرى الكوگولدىك ىشىمدىك تۇتىنۋ جانە ۇساق بۇزاقىلىق جاساعانى ءۇشىن ەكىنشى رەت اكىمشىلىك جاۋاپكەرشىلىككە تارتىلىپ وتىر. ول 15 تاۋلىككە دەيىن اكىمشىلىك قاماۋعا الىنۋى مۇمكىن.