جاڭا فۋنكسيا قالاداعى جول قاۋىپسىزدىگىن قامتاماسىز ەتۋگە باعىتتالعان
الماتىدا پاترۋلدىك پوليسيا كولىكتەرىنە «سەرگەك» كامەراسى ورناتىلدى. بۇل تۋرالى قالانىڭ ءتارتىپ ساقشىلارى مالىمدەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
قۇرىلعى مەملەكەتتىك تىركەۋ ءنومىرىنىڭ جالعان ەمەستىگىن، تەحنيكالىق بايقاۋدىڭ جانە ساقتاندىرۋ ءپوليسىنىڭ بار-جوعىن، تولەنبەگەن ايىپپۇلداردى جانە كولىكتىڭ قانداي دا ءبىر قىلمىسقا قاتىسىن انىقتاي الادى. سونىمەن قاتار، قۇرىلعى قوعامدىق كولىككە ارنالعان جولاقتاعى جول قوزعالىسى ەرەجەسىن بۇزۋ دەرەگىن تۇسىرەدى. ال سىبايلاس جەمقورلىقتىڭ الدىن الۋ ءۇشىن ءتارتىپ ساقشىسىنىڭ جۇمىس كەزىندەگى ىس-ارەكەتى باعدارلاماعا تىركەلەدى.
«جاڭا فۋنكسيا قالاداعى جول قاۋىپسىزدىگىن قامتاماسىز ەتۋگە جانە جول-كولىك وقيعالارىن ازايتۋعا باعىتتالعان. كامەرانىڭ كومەگىمەن قۇرىلعى كەتىپ بارا جاتقان كولىكتى انىقتاپ، ءنومىردى تانيدى جانە دەرەكتەردى ورتالىق جۇيەگە جىبەرەدى. ءقازىر قالادا جوبانىڭ پيلوتتىق نۇسقاسىن پايدالانىپ جاتىر»، – دەدى پوليسيا دەپارتامەنتى اكىمشىلىك پوليسيا باسقارماسىنىڭ باستىعى نۇرلان امانبەك.