ءتورت ەلدىڭ عالىمدارى تامىز ايىندا ارال تەڭىزىنە ەكسپەديسيا جاسايدى، دەپ حابارلايدى aqshamnews.kz
جۇڭگو عالىمدارى، وزبەكستان ماماندارى قازاقستان جانە رەسەي عالىمدارىمەن بىرگە ارال وڭىرىندە قورشاعان ورتا مەن ەكولوگيا بويىنشا دالا ەكسپەديسياسىن جۇرگىزەدى.
جۇڭگو، قازاقستان، رەسەي جانە وزبەكستان عالىمدارى تامىز ايىنىڭ سوڭىندا ارال وڭىرىندە دالا ەكسپەديسياسىن جۇرگىزەدى، دەپ حابارلادى جۇڭگو عىلىم اكادەمياسىنىڭ شىڭجاڭ ەكولوگيا جانە گەوگرافيا ينستيتۋتىنىڭ ديرەكتورى چجان يۋانمين. ول بۇل تۋرالى وزبەكستان سىرتقى ىستەر مينيسترلىگىنىڭ "دۋنە" اگەنتتىگىنە بەرگەن سۇحباتىندا ايتتى.
"تامىز ايىنىڭ سوڭىندا جۇڭگو عالىمدارى، وزبەكستاننان كەلگەن ماماندار قازاقستان جانە رەسەي عالىمدارىمەن بىرگە ارال وڭىرىندە قورشاعان ورتا مەن ەكولوگيا بويىنشا دالا ەكسپەديسياسىن جۇرگىزەدى"، - دەدى چجان يۋانمين.
عالىمنىڭ ايتۋىنشا، حالىقارالىق دالالىق جۇمىس توپتارى نەگىزىنەن توپىراق قاسيەتتەرىنە، سۋ رەجيمىنە، وسىمدىكتەرگە، بيوارتۇرلىلىككە، سونداي-اق دالاداعى لاندشافتتىق زەرتتەۋلەردىڭ كەيبىر تۇرلەرىنە نازار اۋدارادى.
"وسىنداي دالا جۇمىستارىنىڭ ارقاسىندا ءبىز ناقتى دەرەكتەر مەن ارال وڭىرىندەگى قازىرگى جاعدايدىڭ تالداۋىن الامىز، بۇل اۋماقتى قالپىنا كەلتىرۋگە ماڭىزدى قادام بولادى"، - دەدى قىتايدان كەلگەن ينستيتۋت ديرەكتورى.
قازاقستان مەن وزبەكستان شەكاراسىندا ورنالاسقان ارال تەڭىزى 1960 جىلعا دەيىن كولەمى بويىنشا دۇنيە جۇزىندە ءتورتىنشى كول بولدى. سوڭعى ەلۋ جىل ىشىندە ونىڭ اۋماعى ءۇش ەسەگە جۋىق قىسقاردى، سۋ دەڭگەيى 30 مەترگە جۋىق تومەندەدى، ال سۋ كولەمى 15 ەسەگە قىسقاردى. تۇزدىلىعى دا ارتىپ، بالىقتار جويىلدى.